自從私人執業以來，每天都會經過中環置地廣場 先再上診所的大廈。行經過廣場中庭， 一定唔會睇唔到位於閣樓 的cafe landmark。 其實呢間 餐廳很多很多年前我曾經食過一次 至於是食什麼我也忘記了。
每天在商場行過望落中間見到自然的陽光由天窗射下來， 坐著餐廳中間食早餐的人頗為寫意。 而且不少人相信也是 進行會議的早餐 。因為一些原因我現在已經很少食早餐， 上星期一位朋友早上找我傾一點事情， 費事諗便順路 就約在這間餐廳見面，一路食早餐一路傾。 心裏想， 終於有機會 試一試呢間餐廳。
應該點都好過以前瑪麗醫院K1 canteen 萬人空巷 排隊輪飯的情況吧!？
那天早上的陽光如平日一樣的好。 進到門口當然例牌度溫度和安心出行呢啲少不免。 那天時間頗為早 都唔使等位，但係一入去基本上全場都差唔多坐滿。 侍應給我帶位了， 由於我早到我自己先坐低叫一杯咖啡。 再細心留意附近的人。 大約一半左右可能真是正在談論一些商務的事情， 另外一半一睇就知係上咗岸退休人士。 有少部分相信是真係朋友聚餐。
坐低除下口罩再喝一點點水。 就終於明白 點解啲人唔介意坐喺中間好似雀籠一樣， 又或者像動物園一樣被四周的人望住食早餐。 因為正上方有天窗自然光， 真的令到早上非常舒適， 有一點點像去旅行酒店食早餐的感覺。 當然更加好嘅係有強勁的冷氣， 否則真的在戶外早就熱死了。 哪有心機食早餐。
我只係叫咗一杯咖啡， 平平無奇。 中伏是預咗的 。 不過老實說 通常喺呢啲地方食嘢 對食物的要求，幾乎冇乜期望。 因為這個咖啡廳所賣的是他的方便， 舒適的坐位置，氣氛，和裝修。 食物根本就非常次要的吧。
一路等我的朋友 一路周圍望下， 竟然有一種豁然開朗的感覺。 終於明白是哪一種感覺。 原來就是以往到歐洲或者其他地方開醫學會議， 早上在酒店食早餐的那種感覺。 每年至少有兩至三次大會在世界各同地方開， 有些時候和同行交流和結識一些朋友就係靠大家一齊再酒店食早餐的呢一種 機會。 近這兩年已經沒有什麼機會了， 大部分的會議都轉為網上舉行。 老實說成效 和氣氛遠遠不及以往在實地開會。 真係希望疫情盡快平息， 飛去歐洲咁遠 就難啲， 就算只是去新加坡開會， 都已經心滿意足。
朋友來到後就叫了一個中式 嘅早餐set。 有碗粥有炒麵再加一杯嘢飲咁樣啦。 如果去美心食我諗40蚊應該搞得掂啩。 我淨係試咗一兩舊油炸鬼味道都算ok。 反而我個杯cappuccino 就真係好似 平時去 廉價酒店食早餐， 撳個掣嘔杯咖啡出嚟嗰啲機一整的。 當然傾嘢食最重要食物是次要。
食食下最奇怪的事 ，唔知點解有麻雀可以飛到入嚟。 唔通個天窗 已經穿咗幾個窿？ 下次紅色暴雨嘅時候我真係要坐入去睇下會唔會變成之前又一城咁樣嘅水舞間。
Commentaires