話說其實我自己也是一個濕疹的病人. 細個讀書嘅時候濕疹都頗為嚴重. 凡係夏天嘅時候基本上手踭腳踭都體無完膚,拗到條條血痕. 後來透過中醫西醫兩方面配合的方法治療好了濕疹.
基本上現在已經接近好返曬. 但係有時食錯嘢, 例如食咗啲中醫所謂有濕熱的東西, 偶爾都會發少少濕疹. 但係基本上唔需要特別治療通常過兩三星期會自己好返.
近幾年發現原來受濕疹困擾 的病人好像有增無減, 雖然坊間好似講到有很多經驗方法, 甚至民間療法, 但係很多時都係只得短期的效用, 病情難以長期受控. 所以我決定寫一個系列專講下中西醫兩方面如何夾攻濕疹. 因為治療濕疹其實唔係單靠中藥或者西藥. 身體的生活作息和選擇適合的食物也非常重要. 我經常同病人一對一的進行教育, 但發覺這個方法實在講到口水乾都教授唔到好多人. 忽發奇想不如就透過呢一個系列, 從中西醫兩方面講下究竟濕疹應該如何處理.
人哋話知識改變命運, 係濕疹病人身上就更加如此. 對這個病中西醫兩方面有正確的知識, 則可以助人自助!
濕疹呢個病確係好麻煩, 雖然西醫嘅方法都越嚟越多, 但一般以外在方法為主. 若然配合中醫藥改善體質, 以在內的方法, 兩者互相配合可以相得益彰. 呢個就係中西醫配合(結合)治療的目標!
咁第一篇我就講下, 點解濕疹好多時用曬中藥西藥,醫極都醫唔好曬?
其實主要嘅重大原因有兩個. 今日先講住第一個原因
濕疹其實並不是單是皮膚的疾病, 而是本身身體體質都係較容易敏感. 亦即係平日我哋皮膚或者飲食所接觸到的外在各種抗原(antigen), 病人的身體有不正常強烈敏感反應, 引起本身應該對身體害處不大的東西產生了發炎. 所以在治療方面一般較輕嘅患者都會在皮膚上搽上不同強弱的類固醇用來壓制局部皮膚發炎. 咁樣做的確可以(至少短時間)控制發炎, 令濕疹推卻. 但問題是病人身體的體質卻不會受到局部的類固醇而有所減輕. 亦即係我哋俗稱所講, 醫唔到個”底”.
咁究竟病人嘅體質點解會變成咁呢? 根據現代的認知原因是多方面的. 有一些是因為遺傳因素基因的偏向, 有一些是因為大小腸免疫力的影響, 亦即係近幾年我們成日所聽的腸益菌類 gut microbiota . 講開大少腸嘅益菌, 其實佢嘅組成好多時係同小時候所進食的食物, 又或者同bb有冇食人奶都有關 . 小時候的飲食習慣其實相對決定了整個免疫系統的發育. 所以在發育未完成之前, 假如”食得好”的話, 得到好的食物, 繼而大小腸得到好的細菌, 那麼人的一生皮膚也差不了. 反過嚟, 假如在小朋友的階段”吃得不好”, 側重發月之前已經整亂了大小腸細菌, 那麼免疫力就會越嚟越亂龍,濕疹的病人情況正是這樣.
當然gut microbiota並不是決定了一切的. 皮膚上面的microbiota 也有一些影響. 還有其他因素去引致敏感體質變成容易生濕疹. 例如現代的研究發現, 原來我們的神經線和皮膚的免疫系統也有關係. 例如當一個人面對長期壓力的時候, 腦內部同埋皮膚下的神經線都會分皮不同的神經分泌物質 (neurotransmitters). 濕疹的病人因為各種原因, 這些在皮下神經線所分泌的物質會引起 巨大細胞(mast cell) 真多和更加活躍, 而呢一些細胞就會分泌出 histamine 等等敏感物質, 令到皮膚產生發炎和痕癢. 所以唔少病人都發覺壓力大或者心情差嘅時候原本濕疹會更加重就係咁解.
咁講到尾究竟如何改善的一些體質呢?
西醫的方法,研究方向就係尋找整個發炎機制之下的各種發炎細胞和物質, 然後用現在的生物製劑方法去阻斷正確發炎過程. 呢種研究方法有點似癌症治療的標靶藥物. 而現在有一些生物製劑已經被批准作正式使用作為治療.
至於中醫方面改善體質的方法就更加多. 我哋成日聽到話中醫係由於濕熱引起. 其實並唔係咁簡單. 濕疹嘅病人除咗濕熱之外, 還有肝鬱結, 筋膜攣縮, 肝血不足, 血熱生風等等各種不同的mechanism. 每個病人都會略有不同, 唔同嘅階段嘅病情, 甚至病人是小朋友或者大人, 當中所涉及的體質因素也可以很不同.
所以總結嚟講就係因為濕疹是一個全身體質的問題, 所以好多時醫極都醫唔好. 需要長期利用中藥調理改善體質, 所謂有諸內必形於外, 必先要從根本地治療, 那麼病情便可以得到有效控制.
明天再講.
#濕疹
Comentários