不少女性病人都有各種不同的乳房疾病。 較為年輕的可能有 乳房纖維囊腫，也可以是良性的 纖維瘤, 又或者各種乳腺增生的疾病。 因為嚴重的也可 出現癌前病變，甚至是惡性的乳癌。 西醫嚟講其實不同的乳房疾病，形成的原因各有不同， 睇中醫嚟講其實無論良性或惡性的預防疾病 ，疾病引起的原因都是差唔多，只係程度和病情輕重的不同。 咁究竟中醫如何看待各種良性或惡性的預防疾病呢？
不少人都知道各種乳房的疾病，其實過中醫所講的肝氣鬱結有關。 首先肝嘅經絡和胃嘅經絡都經過乳房。 呢兩條經絡特別是肝經，假如氣行得唔順，便會好容易積聚 “垃圾”在乳房當中，形成各種乳房疾病。
留意的是中醫所講的肝，和西醫所講的肝不盡相同。 中醫所講的肝 一方面包含了絕大部分西醫肝臟的功能， 中醫所講的肝，都包含了某一些神經情緒， 和交感神經嘅功能。 特別是壓力和憤怒，正正就和肝膽嘅氣有著很直接嘅關係。
中醫黃帝內經所講 “肝為將軍之官，，羆極擊之本”。 什麼意思呢？ 意思就是說肝臟， 是人體 精神和體力的一個儲存中心和爆發點，羆極是力大至極而耐勞之意。 亦即係話肝臟的其中一個功能， 就好似人體的一個turbo engine. 亦即係我們面對生活各種壓力的爆發小宇宙的能力來源。
例如當我們趕功課又或者工作要捱更抵夜的時候， 最常見嘅就係做醫生可以連續工作20幾30個鍾意唔覺得攰。 其實嗰個時候就係利用人體嘅肝氣去頂住。 可以講肝氣係好用人體的儲備去面對生理和心理的需求。人體嘅儲備就係肝血和腎精。 肝血就好似一個銀行戶口的Current account, 有需要嘅時候就提出來使用。 腎精就係人生嘅最根本儲備， 就好似銀行戶口的 最後資本， 亦即係命根，唔可以立亂使用。 肝氣就係當身體根本 唔夠力去撐嘅時候， 不斷透支身體的動力。 首先透支肝血， 肝血唔夠用了便要動用老本，即係腎精。 腎精一旦損耗 ，來不及補充，人便會百病纏身而且老化得快。
講到好遠，不過返返嚟乳房疾病。
不少乳房疾病嘅患者， 就係因為長期工作壓力過大， 又或者家庭和人際關係方面的壓力， 又或者很多憂慮，緊張大師， 長期利用肝氣 頂住生活和心理的負擔。 短期用肝氣的確是非常有用的， 可以提升工作效率， 又或者令到一個人變得好tough. 但係長期使用， 反過耗損了肝嘅氣血。 肝氣血一減弱， 原本疏通氣嘅流動和排毒的功能便會減低。 久而久之，肝嘅經絡便會積聚， 所謂氣滯痰凝， 氣行得唔好啲垃圾嘅水自然慢慢積滯。 即掣在乳房形成各種乳房 囊腫 又或者是良性惡性的乳房腫瘤。
呢一種係因為肝損耗虛弱引起的鬱結。 咁點解 阻塞發生在乳房呢？ 其實 肝氣鬱結出現問題並不一定在乳房， 但正如上述所講 ，我哋好多時 利用肝氣去增加工作量， 其實是把氣向上衝。 所以做嘢急 肝氣很旺盛的人 ，會成日覺得心口有到氣頂住。 有呢度係頂住先可以做嘢做得快。 氣起上衝嘅時候首當其衝就係乳房， 其次就係甲狀腺。 呢個就係點解呢兩個地方嘅疾病好多時同時間出現。
另外一種的肝氣鬱結， 係抑壓了的憤怒情緒。 肝氣 控制人嘅憤怒。 而最引起肝氣鬱結的不是爆發了的 憤怒， 經常容易發脾氣的憤怒，爆發出嚟嗰啲叫做肝火旺盛。和肝氣鬱結是兩回事。 最大問題係抑壓了的憤怒。 即係話明明個心好嬲但係點都要抑壓住， 例如是家庭壓力很大但係咁怒不敢言。 工作不愉快， 但又因為各種原因唔能夠轉工， 死忍著到氣繼續在極度負面的環境下工作。 呢一些都係憤怒受到抑壓的例子。
當肝氣要爆發的時候卻受到抑制， 同樣道理肝氣就會鬱結在胸部的乳房。 肝氣鬱結垃圾會積聚在乳房， 形成疾病。 另外一種人的性格也容易得到乳房疾病， 就係哪一些唔識得say no 嘅病人。 呢些人嘅性格通常會給他人不斷給予工作，或者是各種責任。 責任一多自己又做唔住， 就變成了敢怒不敢言， 一方面又要提升肝去頂住各種責任， 另一方面也壓抑了自己的憤怒。 更加形成肝氣鬱結。
由以上所見 中醫對於乳房疾病，非常著重 一個人的情緒，和情志。 中醫醫病除咗中藥以外，其實調理情緒也係非常重要的。
所以我經常告誡乳癌康復病人， 必須減低自己的生活工作壓力， 適當調劑自己情緒。 否則好辛苦做完手術化療電療，又食埋荷爾蒙藥。 不改變生活習慣， 回覆以往未病之前嘅生活模式 ，等於 身體泥土沒有改變， 只要有適當嘅種子 同樣嘅疾病便會重新發芽生長。
聽日下篇，會再講下實際上究竟如何減低乳房疾病， 有什麼可以自己DIY. 另外再講多少少乳房疾病 除咗和肝氣鬱結 關係以外 ，仲有什麼元素。
撰文： 臨床腫瘤科 專科 蘇子謙醫生
Kommentarer