做醫生做得越耐， 特別係腫瘤科了解愈深， 越覺得中醫學的神奇和奧秘。 有時真係非常佩服前人， 以前中醫學研究竟係點樣發展出嚟。
以往不少報紙或者媒體找我做訪問， 通常無論關於什麼題目， 去到最後一定係叫我推介一啲湯水。 而家無論雜誌或者睇電視 ，通常講真中醫藥就係講咩湯水。 好似無論什麼病什麼問題，只要煲一些湯水就可以完全醫得好。
湯水固然重要。( 亦明白觀眾或聽眾一定最有興趣) 所謂藥食同源。 能夠從食物當中強化自己身體，搵出啱自己嘅體質同埋啱疾病嘅湯水食療， 確實係中醫學重要的一門。 但香港一般只著重湯水。其實見樹不見林， 睇唔到整個中醫學當中的學問和藝術。 其實中醫嘅智慧並唔係淨係留於湯水食療。
我舉幾個例子。
其實中醫嘅理論， 聽起來好似好玄咁樣， 講什麼陰陽五行。 其實呢個只不過係古代借用一些到家嘅理論去發展 醫學。 就等於現代醫學係基於 生物學和化學。 但在 工業革命之前，其實呢一些基礎學科都未成熟。 有啲人甚至講你終於都冇講到 微生物和甚至基因， 明顯係畀西醫學退步而唔科學。 呢個講法好唔合理。 當年中醫學嘅發展時候， 面對嘅係實際要治療病人和疾病的 挑戰。 那個時候現代科學仍然未產生。 試問那個年代連電力都未被發現， 有乜可能會睇得到基因嘅變化可以做到基因排序呢？
所以那個時候中醫學只能夠借用 ，當時有嘅科學水平嘅語言去到推醫學。 陰陽五行五臟六腑經絡理論等等， 當然有佢嘅局限性。 但其實即使現金套用返現代嘅醫學 可，以明白當初點解要咁樣分法嘅智慧。 其實五臟六腑係指五個不同系統。 中醫成日講氣， 我諗直至20多年前的西醫都會覺得好虛無飄渺。 但現代醫學越嚟越明白能量嘅重要， 例如我經常幫病人做電療。 電療係用輻射來治療疾病，輻射係眼睇唔到的， 但我哋可以睇到電療之後嘅作用和副作用。 呢個就係類近中醫學講嘅氣。 能量是看不到的但我哋可以用其他方法知道他的存在。 正如利用解剖學和顯微鏡係睇唔到輻射， 睇唔到經絡嘅器行走也是正常的。 因為你沒有使用合適的物理方法去檢測氣這樣東西。
但現今已經有極多嘅儀器可以睇得到原來人體嘅能量變化。 現代也有經絡探測儀器利用物理嘅方法探測到經絡嘅能量走向。 很驚嘆以往完全沒有這些工具的古人， 究竟係用咩方法發現到身體嘅經絡走向呢？ 呢樣嘢實在非常離奇古怪。( 有講法係畫古人識得打坐有內視時嘅功能， 另有講法話中醫學其實係一種古文明流傳下來的)。
利用針灸推拿正骨嘅方法， 透過中醫學系統理論可以糾正身體不少的毛病。 其實呢一種系統理論和西方嘅一些整脊醫學等等也有一脈相承的。 可見類似的思想其實在東西方也存在。
另外中藥也是一種非常神奇的草藥學。 中藥嘅種類多不勝數， 而且更甚者係有不同的方。 讀中醫 大學嘅時候， 基本嘅中醫學生都至少要背三百多條藥方。 呢啲只不過係叫做Classical formulae. 其實喺現在醫病過程好多時唔會跟足呢啲經典方反，而從當中吸取智慧發揮。 每一種方嘅組成唔同藥物，如何配合， 君臣佐使， 一條方每一種藥物 ，何謂主，何謂副，互雙解毒等等其實大有學問。 而每一隻藥嘅用量如何配搭是多少少也有學問的。
記得早兩個月曾經有一個新病人。
那個病人是一個較為年青的肺癌病人正在用標靶藥。 而他本身也有甲狀腺癌的病歷。 病情甚為複雜而且 多樣的問題互相糾結。 第一次看診的時候， 我辨成他是因為長期工作緊張，損傷肺氣。 第一條藥方我先取益氣養陰保肺， 先固其本，往後再考慮其他嘅方向治療。
他看病之後拿了藥方。 拿著藥方跟姑娘說， 這條藥方當中的藥物也沒有什麼特別， 都是很普通的藥物。
正如彈鋼琴一樣， 無論是初學者或者係鋼琴演奏家。 其實所彈嘅琴鍵都係一樣。 但為何演奏家可以彈出繞樑三日的樂韻， 而初學者用同一個琴又做唔到呢。 又正如大廚師一樣， 如果大家睇過master chef 節目 都會明白， 就算每個人攞嘅材料都係一樣， 煮出嚟嘅餸菜質素可以相差無遠。 大家都係用柴米油鹽醬醋酒， 點解 半島酒店嘅中菜遠勝過一般茶餐廳的呢？
中醫學也一樣。 藥物嘅質素固然重要。 但當中的配搭和各種Combination 和用量比重才是核心所在。
呢個就係點解凡事只講湯水， 和\六用西藥方法了解中醫藥存在的誤區。
Comments