早排寫個兩邊關於人體頸部嘅重要， 有讀者來信希望我再講一講腰部嘅重要性。 好多人都話男人最重要條腰好， 其實係醫學上無論男女腰部都好緊要。 好多人唔知即使是女仔， 兩隻腳是否水腫，腳型是否靚也和這個腰部有關係。 今明兩日一一為大家拆解。
叉開少少話題， 其實未讀醫之前,係初中年代， 我係一個電腦發燒友尤其是對於網絡建設特別有興趣。 那時還沒有什麼wi-fi網絡，能夠喺屋企搭到一個 以太網， 仲要係用cat 5 cable, 簡直係走在時代嘅尖端。( 後來做咗電腦學會會長， 控制了成個電腦室嘅鎖匙， 就諗出原來喺入面用佢哋嘅網絡聯網打rainbow six真係好正)。 雖然而家係無線網絡wi-fi嘅年代， 大其實一啲重要嘅電腦網絡包括不少公司嘅電腦網絡 ，因為穩定和速度嘅原因還是用 實體以太網去接駁。
接駁網絡將唔同嘅電腦和設備連在一起 ,需要用到Router 和switch. 而人睇其實也有一個重要的Router. 就係我哋嘅脊椎. 脊椎基本上 就係一個大嘅網絡Router switch， 而其中位於下腰， 英文叫做lumbar sacral 這一部分的脊椎和連接的神經線對於整個身體嘅訊號交換最為重要。
人體嘅腰椎 ，除咗控制腰背嘅肌肉之外， 整個下肢肌肉基本上都係由呢一啲腰底神經叢分差出來的神經線所支配。 而且控制下陰部和肛門附近的 神經線也是由這部分差出來的。 所以腳部嘅所有感覺反應 如何和身體連接基本上就係靠呢一部分的 神經線和神經叢。 神經線就好似插落去router上面的一條lan線，要保持下肢肌肉嘅力量和整個腳部嘅功能， 這些人體的 lan 線 一定要保持正常嘅接駁， 而且lan線嘅保護甚為重要否則傳送速度下降。 就正如下肢出現痺痛又或者肌肉抽筋肌肉無力等等。 也有一些時候不是這些lan線的問題 ，而是真係脊椎switch 嘅毛病， 常見嘅腰椎間盤突出又或者其他 原因壓到脊椎等 ，都會產生嚴重嘅症狀。
好多人都有腰背痛嘅問題。 很多時治療離不開物理治療，針灸推拿按摩等。 但有些時候總是纏綿難愈， 好啲唔好啲。 點解係咁㗎啦？
喺中醫嚟講其實整個腰部嘅肌肉， 腰椎以下嘅神經叢， 全部都係腎氣所主宰。 腎氣強嘅人 腰部會肌肉較為鬆弛， 但又唔會過份虛弱。 很多時腰背痛經常忽略嘅一個理由， 係其實要部嘅肌肉肌力不足， 所以很快便會疲累而且變得緊。 透過按摩推拿拔罐針灸等方法， 可以短期紓緩腰背部嘅緊痛， 但係由於唔能夠改善本身腰背肌肉 肌力不足虛弱嘅根本原因， 所以腰痛又會再出現。 所以就係點解咁多人 腰背痛， 醫都醫唔好曬。
其實關鍵係要適當地調補腎氣。 常用嘅中藥有熟，地杜仲 ，補骨脂等等。 另外要調補腎氣鍛鍊下腰部嘅肌肉也最為重要。 另外損耗腎氣嘅生活方式，最常見是唔夠瞓。 即使是一晚嘅唔夠瞓又或者通宵工作， 第二日馬上腰膝酸軟。 呢一樣問一問曾經在公立醫院通宵當值的醫生便會明白。 所以要腰背痛好，睡眠必定要足夠。 另外經常志向不定的人也一樣損耗腎氣。 所謂志向不定，係有些人不知道自己生活嘅方向，經常胡思亂想， 又或者不斷改變學業和職業嘅選擇等等， 也會使得腎氣虛弱。 中醫所謂“腎藏志”嘅意思。 最後性生活過度也一樣損耗腎氣。
近來有位女病人本來因為食物敏感嚟睇，後來治療了一段時間而家以前吃不到的食物，也可以進食冇敏感了。 另外 以往非常少月經量也增多了。 因為補血補得足夠了。 她問到為何月經嚟嘅時候近來變得非常腰酸背痛呢？ 同埋他因為腰背痛更加做多一啲腰部和下腿的拉筋， 但發覺越拉越痛好似有扭傷嘅情況。
我便解釋給病人， 中醫嘅角度， 月經嚟嘅時候身體因為要把血排出， 血的根本也是在腎氣。 血排出嘅時候身體損耗了會比較虛弱， 就好似負責月經的那一條lan 線 已經用了很多router 的bandwidth. 腎氣有所負荷所以會變得腰酸背痛 .呢個時候其他部分 應該減少損耗， 應該多多休息避免操勞， 唔應該再加重router 的負荷。 但反而去做多一啲 腰背下肢嘅運動， 就適得其反， 更加容易扭傷。 所以身體不是很強壯的人月經來的時候 應該多少少休息暫時减少運動。
越寫越長,越寫越複雜， 聽日再講下原來下腰部嘅健康和下肢嘅肥瘦， 腳力夠唔夠， 下肢嘅皮膚健康 ，有好大關係。
Комментарии