今個月中 , 國內的醫療團隊在頂級科學雜誌 “自然” (Nature) 當中刊登了一篇很重要的科學文章. 講述在老鼠模型當中, 發覺針灸同一條經絡 (胃部嘅經絡)唔同嘅穴位, 可以得到唔同嘅效果. 研究發現透過針灸 足三裏 (一個非常重要的穴位), 可以抑制細菌引起的嚴重發炎反應. 但若然揀選同一條經絡當中的另一個穴位(天樞), 則針灸的反應確實不同. 而且不同的電針刺激也可以得到不同的治療效果. 呢邊科學文章的重要性, 說明咗原來傳統中醫選擇穴位, 和選擇不同手法進行針灸, 確實可以達到一些治療嘅效果.
另一方面文章也證實了, 原來針灸的治療反應, 和感覺神經, 脊椎交感和副交感神經 同埋腎上腺素整個系統的分泌物有關. 這對推進針灸的科學研究有著重大的意義.
適逢呢一個月, Nature 也作了一個專題, 就係從科學研究嘅角度講述中醫藥嘅發展. 其中一篇也講到現在科學對於針灸的認識.
以往因為從解剖學的形式, 西方醫學睇唔到經絡嘅存在. 所以好多年前基本上否定人體真係有中醫所講嘅經絡. 因為經絡同神經線血管和淋巴, 可以在解剖學上肉眼睇得到. 但係隨住生物科技和研究工具越來越先進, 而家已經有越來越多方法可以檢測到經絡的存在.
究竟經絡是什麼來的呢?
以現時嘅認知, 一般的共識是認為經絡和神經內分泌一定有關係. 而且經絡和身體肌肉上皮的筋膜層也有著密切的關係. 近這幾年發現這一層筋膜層也有傳電的功能 (其實神經線的作用也是一種微弱的傳電功能), 針灸其中一個發揮點, 就係透過刺激穴位在這個筋膜層當中, 從而達到全身功能的調節作用. 但這些傳電層, 假如只是在死人的解剖學上, 根本是看不到的. 簡單的打個譬喻, 我們肉眼見到啲有光, 但其實還有一些wave, 是我們肉眼看不見的. 主要是因為他們的波長.不是肉眼見到的範圍. 例如是電視遙控的紅外線, 平日上網的wifi信號, 又或者曬太陽會曬傷的紫外光, 呢啲雖然我哋肉眼睇唔到. 但係他們確實存在.
又例如我們用的手提電腦, 當中所儲存的影片圖像, 假如你用螺絲批拆開咗個電腦, 你在硬碟或記憶體當中唔會搵得到. 但你開著了電腦之後確實可以係當中把這些虛擬的數據拿出來. 呢一啲肉眼睇唔到但係又確實存在的, 就好似經絡一樣.
針灸的作用是透過經絡而發揮的. 因為經絡是人體的成個網絡所分布, 所以針灸即治療範圍其實很廣闊. 最多人利用針灸治療的可能是一些痛症, 例如是肩週炎, 手腕發炎, 頸痛腰背痛等等, 這一些都係針灸直接發揮止痛和鬆筋的作用. 但其實針灸也可以治療一些內科疾病. 例如是胃痛的時候可以針灸穴位梁丘同埋足三厘, 因為透過呢啲係下肢嘅穴位, 透過經絡的作用可以對胃部有發揮作用. 例如咳嗽嘅時候, 也可以針灸背部嘅肺輸穴位. 月經痛嘅時候也可以針灸位於腳眼對上的三陰交, 和在膝頭哥附近的血海穴等等. 針灸甚至可以幫助提升血液中的白血球, 又或者治療失眠焦慮等精神方面的症狀.
經絡嘅穴位就好似身體各樣的遠端控制, 情況就好似而家大家用電話app, 又可以網上銀行操作, 又可以控制家居電器運作, 唔需要真係去銀行或者返到屋企先可以操作. 所以用生活的這個概念, 現代人其實比幾十年前, 更加容易了解針灸和經絡嘅道理.
另外即使同一穴位, 譬如是下肢的足三裏. 下針嘅方向, 深度. 落針之後刺激嘅強弱, 和行針手法等等. 其實就可以達到不同的治療效果. 所以針灸其實博大精深, 唔係話就吉支針咗落去就一定會有效果. 有些時候不同醫生作針灸, 即使是同一穴位, 所達到的治療效果也可以有天淵之別.
呢個亦都係我之前所講嘅, 中醫的很多治療方法不單是一種藝術, 更加是一種craftmanship. 係因為很多細節看似不重要, 其實係治療嘅關鍵.
至於以往古代中國人如何發現針灸經絡嘅存在? 以往沒有任何檢測設施, 對電力這種概念也未出現. 只認為人體有氣嘅流動. 但係古代嘅針灸可以準確畫出每一條經絡嘅走向, 同埋如何定出穴位. 呢樣東西確實令我們現在嘖嘖稱奇.
reference
Liu, S., Wang, Z., Su, Y. et al. A neuroanatomical basis for electroacupuncture to drive the vagal–adrenal axis. Nature (2021).
#針灸
Comentários