過往這七年八年, 簡直係前列腺癌發展嘅高速階段. 過往假如病人疾病已經擴散了, 由以往只是可以使用荷爾蒙藥物, 到現在又可以使用化療, 又可以使用各類型的標靶藥(又或者稱為第二代荷爾蒙藥物), 甚至近這一年, 研究顯示有部分病人發現同時間使用化療和標靶藥一同使用療效更好. 可以講而家擴散咗嘅前列腺癌一線治療, 選擇最少有四至五種藥物.
首先講一講一線治療. 無論是用哪一種藥物, 都必須同時間配合使用荷爾蒙治療. 荷爾蒙治療即時說利用藥物,一般為定期打針的, 去抑壓身體裏的雄性激素. 缺少了雄激素的刺激前列腺癌細胞便會慢慢凋亡. 無論用什麼藥物阻斷雄激素也是非常重要.
一線治療的藥物有好幾款. 大致嚟講可以分為兩大類, 一類是化療藥物 Docetaxel, 另一類則係新型荷爾蒙藥(又或者稱為標靶藥), 例子有 Abiraterone, Enzalutamide 同埋 apalutamide 等等. 兩類藥物大家都有很多的研究數據去支持. 過往認為docetaxel 化療藥物, 只係適用於轉移很多例如全身骨骼都有很多受到侵蝕, 又或者癌細胞走咗去肝臟肺臟等內臟. 後來發現即使只有輕微轉移的患者, docetaxel 仍然可以獲得非常好的效果. 至於新型的口服荷爾蒙藥物, 研究發現對於差不多所有的擴散咗嘅前列腺癌都有效. 無論用哪一種藥物病人的生存期也顯著提升.
所以擴散咗前列腺癌一線治療, 除咗傳統荷爾蒙針藥以外, 應該加上化療或者這些新型標靶藥. 但是大多數的病人, 都偏向選擇新型的標靶藥, 而不做化療. 理由很簡單, 因為新型的標靶藥物副作用輕得多. 不少人一路接受治療, 都只不過是每天食一粒藥. 很多人還能夠正常生活正常工作.
咁究竟標靶藥副作用又好, 療效絕對唔差於抗癌藥, 甚至有研究顯示口服標靶藥的療效更勝於化療. 咁點解唔係個個都食標靶藥呢?
因為標靶藥有一個頗為嚴重的副作用, 就是價錢昂貴. 係腫瘤學上呢種副作用稱為, 財務毒性 (Financial toxicity) . 聽落去好似好搞笑, 但現在世界腫瘤學界呢個係大家已經認可的一個副作用!
除非本身病人已經有很多流動資金, 又或者有一份非常健全保障的高端醫療保險 (之前喺呢個博客都勸過各位健康人士要買醫療保險, 有興趣自己爬文), 否則不少基層人士或者中產人士, 都難以長期負擔四五萬蚊一個月的藥費. (好多人問要食幾耐, 其實假如病情好的話應該一路食落去) 部分合資格的病人可以獲得政府一些基金的資助, 又或者慈善機構提供的藥費優惠計劃. 但也有不少人需要自費服用藥物. 花費的不輕.
在幾種口服標靶藥當中, Abiraterone 呢一隻藥可以話係其中一隻有最大量數據支持. 因為一個有歐洲和英國統籌的大型研究STAMPEDE Trial, 提供了關於Abiraterone 大量數據. 證實在很多情況,呢一隻藥嘅療效和生存率的效益是非常高. 而且安全性甚高. 留意的是呢一隻藥要同埋另外一隻輕量類固醇一起吃.
可幸的是, 現在已經有通用藥版本(Generic Drug)的Abiraterone, 所謂通用藥版本, 即係其他藥廠生產的同一隻等效藥. 這隻通用藥版本今年已經正式獲得歐洲和美國批准使用.藥物加價比以往大幅下降. 可以說是病人的福音. 但留意的事情, 呢一款通用藥版本, 在香港暫時未註冊使用. 可能香港的病人仍需要等候一下.
另外擴散咗個前列腺癌病人, 其實有些時候利用電療可以獲得更好的療效. 例如即使是擴散了的疾病, 假如擴散的地方並不多, 利用電療去用放射線治療原發的前列腺癌, 臨床數據顯示生存率會大為增加. 另一方面, 假如使用了藥物之後, 癌細胞縮小了只剩下幾個地方有轉移的癌細胞, 這個時候可以考慮利用高精準的電療 (立體定向放射治療 SBRT), 把剩餘的地方都用放射線醫好. 那麼可以減低疾病產生抗藥性和復發的機會. 最後一個情況, 假如病人嘅情況利用藥物已經控制得好好, 但過了不久之後有一兩轉移點出現 早期的抗藥性, 那麼也可以利用高精準的電療把這些早期抗藥性剷除, 那麼就不用去轉換藥物.
所以由此可見前列腺癌的一線治療的確花款甚多, 又可以藥物又可以電療, 又可以兩隻聯合案階段使用. 無論如何治療之前升遷請教自己的醫生.
另外假如病人已經 對一線治療產生抗藥性 , 即係對荷爾蒙療法產生抗藥性的前列腺癌, 由究竟有乜嘢新的方法去治療呢? 我哋下回分解
Comments