一般早期或中期嘅前列腺癌， 無論做手術或者做電療都有可以根治疾病的機會。 有部分病人做手術後， 起初沒有問題 癌指數一直接近零。 兩三年後 覆診的時候見到癌指數PSA 緩慢地上升， 可能癌指數只有零點幾， 看似水平很低但其實喺呢個時候已經算是 一種番發， 學名叫做biochemical recurrence. 亦即係只係癌指數上升 但係見唔到( 用傳統電腦素描) 實質疾病番發 的位置。
呢個時候好大機會癌細胞殘留的地方，是在以往前列腺 手術的位置， 我哋學名叫做tumour bed。 有這種情況發生係因為可能本身前列腺癌局部的期數深， 例如已經食穿了前列腺的外膜， 又或者手術的時候邊位切唔清(margin positive)。 所以局部 有機會殘留了一些癌細胞， 隨著時間癌細胞慢慢重新生長。
所以一見到PSA 不是零， 而是緩慢咁樣上升， 便應該盡快接受放射治療亦即係我哋所講嘅電療。
咁究竟PSA 水平達到 幾高先應該要電療呢? 以往的講法是達到0.5, 又有講法是應該0.2。 但其實是越早電越好。 因為 原來癌指數在低水平的時候越早電療那麼治療好疾病的機會便會增加!
所以簡單一句就是當psa指數開始上升便要盡快接受電療
咁究竟呢一種電療要電幾多次呢？ 答案是最少三十二次， 一般都是33次。 最新的研究顯示一般這樣的劑量都已經足夠了。 在高的劑量並沒有明顯增加自癒的機率，反而副作用較大。 除非是非常 高風險的病人。
好多人都問究竟呢一種電療副作用係咪好大呢？ 冇錯手術後的電療 畀冇做手術的前列腺癌電療副作用稍為增高。 這是因為電療的範圍 當中可能會電到 較多一些的小腸。 因為前列腺 已經切除了， 所以要電原本前列腺所在的地方便會增加電到其他器官的風險。 但雖然講副作用增加但是通常都不是太嚴重 很多時都是短期出現尿頻尿急尿痛 或大便次數增多有痔瘡等等。 絕大部分病人都唔需要經過其他特別治療就會自己好返。
而家新穎的方法是在電療之前做一個PSMA 正電子素描， 因為呢一種掃描的敏感度高, 所以便可以去 去睇一睇殘餘的癌細胞 實質所在的位置 那麼電療設計的時候便可以更加精準了。
咁至於需唔需要用荷爾蒙藥?
呢一方面暫時臨床數據上仍有一些爭議。 但係對於癌指數較高例如高過0.5， 又或者本身癌細胞較活躍， 即係我哋所講嘅Gleason score 9 or 10, 呢一些疾病 好多時醫生都會衡量病人情況, 畀一到兩針的荷爾蒙治療。 相信咁樣做可以減低復發 擴散的風險。
講開呢一個gleason score, 究竟係啲乜嘢嚟嘅呢? 成日講前列腺癌可以分唔同級數嘅風險。 原來好低風險的疾病甚至不需要治療？ 高風險的就要靠電療配合荷爾蒙藥治療？
我哋下回分解。
Comments