琴日講咗唔同次數嘅前列腺癌電療。 又有病人經常問， 經常聽到有唔同種類嘅電療技術。 有時聽到什麼螺旋形電療， 又有數碼導航刀， 又有伽瑪射線， 又有 磁力共振導航電療， 近來有聽到什麼質子電療，重粒子電療等等咁多種電療，究竟有乜嘢唔同呢？
首先其實琴日所講的各種電療， 唔一定要指明一部電療機。 其實唔同嘅電療機也可以做到同樣嘅效果。 先唔好講到技術層面咁複雜， 大家可以當唔同種類嘅電療機係唔同牌子嘅車。 有BMW, 有benz, 有 Toyota ， 又有tesla等等。 其實唔同嘅車性能各有不同，但最終如果識得駕駛嘅話，一樣可以安全到達目的地。電療機也是一樣。 另外每一種不同嘅電療機也有不同的 世代產品， 即使同一款電療幾個幾年又會有upgrade新嘅功能，又有新款。 所以聽到佢真係非常複雜。
但其實萬變不離其宗。
現在最常見的電療機是直線加速器Linac. 簡單講就是利用非常集中高能量的x光來治療疾病。呢一種機器係最常用的， 現在的新款linac 的功能已經非常全面， 一方面可以有最新不同嘅影像對位， 又有各種唔同嘅呼吸控制。( 呢兩種是確保電療嘅準確度)。 無論是公立醫院或私家醫院 80%以上都係用呢一種機治療癌症。 以前列腺癌為例其實各種不同的電療方式包括SBRT， 都可以利用呢一種機器治療。 再加上呢一種機器電療嘅速度快， 病人留在 留在床的時間短， 無論對醫院來講話是病人 ，也是最經濟實惠的。
另外有一種機器叫做螺旋式電療。 呢種機大概是30年前研發的。 佢當年獨特之處係可以360度 從各方位無間斷咁樣放出x光治療。 咁樣做電療劑量就較為均勻而且可以幫助減低周圍組織嘅副作用。 前列腺癌電療嚟講重要嘅周圍組織就係膀胱和直腸。 呢一種機器也同時間會用電腦素描 定位，所以當年推出的時候其實是一種非常大的進步。 現在也有一些醫院是利用這個機器作主要治療嘅機器。 但相對第一種所講的Linac 機器， 呢一種螺旋電療機治療嘅速度一般較慢， 所以對於病人需要忍著小便來做前列腺SBRT, 就可能不及linac 方便。
更加重要的是現在的Linac 透過一種技術叫做VMAT 電療方法， 再加上電腦素描定位同步， 其實已經做到了三百六十度的包圍式電療， 而且所需嘅電療時間更加短。 所以基本上用螺旋式電療和Linac 都有很多共通嘅地方。
另外有一些醫院配備數碼導航刀。 呢一種電療技術是一個機械臂放出非常細小的x光， 可以真的從唔同不同的角度 ，透過機械臂集中向前列腺集中電療。 好處是它釋放的x光定位很細緻。 他的機器形狀就像 以前細個睇鐵甲威龍 嘅對手壞人機械人一樣( 可以自己google下真係好似)。 但另外有一個唔好住也是治療時間較為長。 以往在北美洲 20年開始做前列腺SBRT 的時候， 很多嘅臨床試驗都是用呢一種數碼導航刀來作的。 主要是因為那個時候的Linac 機器定位還未有今天的準確。 但近這十年也越來越 多的美國研究也是用Linac 機進行的。
近這幾年歐洲和亞洲也開始興起使用磁力共振導航電療MRI linac. 佢同一般嘅Linac 唔同佢係可以再電療期間 即時利用磁力共振影像睇住前列腺嘅位置。 因為普通嘅Linac 電療機用電腦素描定位以前列腺在電腦素描當中 ，並沒有用MRI 清晰。 所以利用mri即時定位， 可以更加睇清楚前列腺的位置進行準確電療。 (當然呢部機還有其他嘅好處， 但有些太技術的事情不在這裏講出)。 但他的唔好處也是治療時間較長。MRI linac 由於需要每天治療前利用mri定位，mri 素描時間一般較電腦素描長， 而且呢部機器在每一次電療都重新劃位和重新計算電療劑量， 所以病人 每次留在治療床嘅時間可以長達30分鐘甚至更長。 而且呢一種電療機嘅mri影像 也並不是完全等於平日照的mri掃描影像那麼高質素。 與此同時由於這種機器仍然是第一代， 有一些缺點 包括不能360度 螺旋式治療， 和做不了呼吸控制。 這些唯有等待第二代機器推出嘅時候才可以改善了。
至於質子電療質是一種完全不同的技術。 他和以上咁多種機器用x光治療完全不同。 他是真的用質子(Proton， 是一種物質) 作為治療。 好處是它的定位非常準確。 和x光隨著距離劑量遞減的特性不同( 即係電筒照得遠光度越細)， 質子到達 治療的深度之前所釋放的能量非常低， 在超越了治療的深度之後能量高速降低， 因為質只有呢個特性所以作為前列腺癌電療的話。 理論上對於膀胱和直腸所受嘅劑量會少很多。 咁就可以大大減低副作用。
耳環的二十年在美國一度流行利用質子電療進行前列腺癌電療。 但近這幾年不少美國的質子電療中心已經慢慢開始執笠。 這是因為發覺隨著Linac 的技術越嚟越好， 質子電療嘅優越性已經變得沒有太大分別。 而且質子電療機無論建設和維持的費用很高。 所以以往20年美國過度投資質子電子現在開始慢慢返回正軌。
當然質子電療對於某些兒科腫瘤，某一些的頭頸癌，仍然係有技術上嘅優勝。 但對於前列腺癌暫時未有個確實嘅科學證據， 證明是優勝於其他種類的電療。
以上講了好多種唔同嘅電療機器。 簡單總結其實用邊一種機器都唔係最重要。 最重要是主診醫生按照病人嘅確實情況，去為病人度身訂做最合適嘅電療方案。
其實揸邊一種牌子嘅車都唔緊要， 最重要係揸車嘅司機。
撰文： 臨床腫瘤科 專科 蘇子謙醫生
Comments