不少早期嘅前列腺癌患者，都希望利用電療(放射治療)去根治前列腺癌。 但很多患者和家人都有疑惑， 成日聽話電療可以五次就得，但係有時又話要電20次， 甚至要電八個星期差唔多四十次。 又聽講話有什麼螺旋式治療機器， 又有話用磁力共振導航(MRI)嘅電療， 又話要質子電療 (proton therapy)。又話可以打水凝膠 減低副作用等等。 不少人比呢些技術術語搞到頭昏腦脹。 咁究竟如何選擇合適的前列腺癌電療？ 其實除咗取決於電療技術以外， 每個病人嘅病情， 或其他病人因素可以影響如何選擇前列腺癌嘅電療， 以下一一為大家分析!
整體嚟講以往傳統嘅前列腺癌要電差唔多八個星期總共38次。 來回醫院38天確實是非常不方便。 近這十年， 因為電療技術的進步和影像定位嘅方法越趨成熟， 前列腺癌嘅電療方向慢慢縮短， 例如現在很多地方的標準是電20次， 每次電多一些劑量， 總共四個星期。 這已經是很大嘅進步因為已經減低了病人的不便。 研究發現減少了一半次數嘅20次電療， 無論治療效果和副作用方面， 都和傳統嘅八星期電療相約， 甚至有一些數據顯示縮短了的電療其實療效更好， 副作用可能較低。
隨著電療技術再進一步提高， 在北美等地方越嚟越多 醫院慢慢地進入用五次電療嘅方案。 呢個就係所謂嘅前列腺癌 立體定位放射治療(SBRT). 對於做這一種電療，定位和劃位嘅要求非常高， 亦都需要一定程度嘅病人配合。 例如是要排空大便， 亦都需要能夠人了直接膀胱嘅容量達到一定的水平。 五次電療SBRT嘅好處 當然是節省了病人嘅時間和金錢成本， 無論對於公營或私營嘅醫療系統都節省了不少資源， 因為佔用電療機器嘅時間減少了。( 雖然技術方面沒人力方面會有所需求提升)。
好了，那麼前列腺癌病人應該用邊一種電療係最好呢？
呢個就有多種因素所考慮。
第一早期沒有擴散嘅前列腺癌， 主要分為三類。 分別係低風險， 中風險， 和高風險。 至於點樣分風險嘅類別， 主要取決於前列腺癌在未 治療之前， 腫瘤牽涉嘅地方是一邊或者是兩邊前列腺癌， 又或者有否穿出了前列腺外膜之外 的各部因素。 除咗個部因素以外，確診的時候PSA癌指數的高低水平， 和抽針檢查病理報告當中前列腺癌的惡化程度(gleason score) 也有關係。 所以可以說， 要定下每一位病人屬於哪一種風險群組需要考慮一籃子的因素。
分為三種風險組別， 其中一個原因是中風險和高風險的病人， 需要在電療嘅同時，配合使用打荷爾蒙針這種治療， 一般荷爾蒙治療嘅時間有半年到三年不等。( 因病情而定)。 至於低風險的病人則無需使用任何藥物， 完成電療後即代表已經完成治療。
在二十多年前，其實無論哪一種風險組別每個病人都是電三十多次的電療。但正如上述所講現在已經電療好大的唔同。 電療技術進步簡直係飛躍。 現在唔同風險組別 ，對於應用哪一種電療方向也有一些提示。
北美洲的指引， 建議病人㗎如是在低風險或中風險， 可以選擇五次嘅SBRT, 又或者取其中間的20次電療。 美國電療腫瘤學會(ASTRO)，基本上已經不再建議使用傳統的八星期電療用於這兩種風險的人仕的一線治療。 因為美國方便已經認同有足夠嘅數據顯示較短嘅電療其實療效至少等同傳統的電療。
至於高風險的病人，北美的指引是 仍然採用傳統嘅電療。 是因為現在嘅數據仍然唔夠肯定的確認交短次數嘅電療等同傳統電療。 但留意的是兩年 來的Covid 期間， 因為為咗避免病人經常進出醫院。 指引也有指出為了減低病人感染風險即是高風險病人也可以使用SBRT. 但整體來說暫時SBRT 未算是一線治療。
另一方了不少病人也有疑惑， 為何明明自己是低風險的病人， 但醫生也不採用SBRT 技術呢? 其實還要考慮的是病人因素。
正如上述所講， 要使用SBRT, 除咗電療機 和電療技術 的要求以外， 對於病人嘅配合要求也較高。 因為使用五次的電療SBRT, 由於每一次的劑量很高， 所以對於腫瘤嘅定位一定要非常準確。 前列腺的實際位置其實每天也受到膀胱和直腸嘅容量所影響。 例如假如第一天病人非常急尿膀胱很像， 第二天卻排空了小便， 那麼第一天和第二天的前列腺位置可以差很遠。 電療便變得不準確。 所以要進行這種高精準電療嘅要求是， 做電療設計和每天電療嘅時候膀胱容量一定要差唔多大小。 例如每一天保持大約是250ml 的膀胱容量。 電療之前可以用控制飲水嘅方法，再加埋膀胱超聲波和在電療床上的電腦素描確保膀胱容量一致。 所以假如有一些較為年老的病人， 本身忍尿能力較低， 這種方法便會造成不適， 甚至發生 治療期間( 其實治療時間只係少於十分鐘) 漏尿， 嚴重影響前列腺癌電療嘅精準， 傷及其他正常器官。
同樣道理大便每一天也一定要排空， 呢方面醫生通常有藥幫手。 但總有一些長期便秘的病人直腸大便不能排空， 那麼作SBRT 副作用可能會增加而且精準度不足。 也有一些年老嘅病人受不了瀉藥， 呢一種病人也是一太不合適SBRT. 另外有些地方的電療是把一個氣球放在 直腸肛門當中， 以控制 直腸每天的容量一致。 但留意這種方法通常為病人帶來一些不適嘅感覺， 所以亦都唔係每個病人都喜歡。
另外也有病人是服食薄血丸的， 又或者曾經前列腺作個手術的， 又或者本身前列腺增大很嚴重，排尿唔順暢的病人， 這些類病人也不是最合適作SBRT 治療的。
對於這一類的病人，如果不合適作SBRT， 作20的電療是一個好嘅另類選擇。
另一方面現在也有一種技術叫做水凝膠注射， 可以減低直腸所受的劑量從而減低大便出血的風險和嚴重程度。( 詳情聽日再講) 一般如果作SBRT 的病人可以的話最好先作這個水凝膠。 當然也有一些病人可能不合適作水凝膠詳情遲下再講。
所以其實要作幾多次電療， 除咗考慮前列腺癌本身嘅風險因素以外， 你要考慮每個病人嘅年紀，配合嘅程度，有否其他疾病等等很多因素所決定。 所以真的係因人而異， 病人要決定選用哪一種電療方法時候，最緊要先問清楚自己嘅主診醫生了解詳情， 作出最合適嘅治療。
聽日會再講究竟咁多種唔同嘅電療機器， 究竟有什麼唔同嘅呢？ 每一種機器適合哪一種 前列腺癌電療呢？ 有什麼方法可以減低調嘅副作用呢？ 留意聽日嘅文章。
撰文： 臨床腫瘤科 專科 蘇子謙醫生
Comments