無獨有偶, 近來利用中藥治療了幾個卵巢多囊症的病人, 病人都發現很快月經變返每個月嚟一次, 更有病人也減磅了不少. 有病人好奇問究竟中醫係點樣治療卵巢多囊症呢個病嘅呢?
首先簡單講下卵巢多囊症的症狀和現代西醫的認識. 卵巢多囊症 的症狀有月經越嚟越遲嚟, 又一個月變成了兩三個月先一次, 又或者甚至半年以上先嚟一次. 此外部分病人身體會較為肥胖, 嚴重的糖尿病心臟病風險增加. 雄激素相對增加所以皮膚可能會較為多暗瘡, 面部皮膚唔夠光滑. 病人也因為沒有規則的排卵時間所以較為難以懷孕. 現代西醫的認識主要是因為卵巢唔能夠正常咁樣排卵, 引起了卵巢多囊, 在引起了雌激素, 雄激素和孕激素的失調. 引發了身體的多種問題. 好多時診斷呢一個病, 除咗有以上嘅病徵之外 (主要係 月經越嚟越疏) 一般嚟講, 透過超聲波都會見到 兩邊卵巢有很多個水囊.
無論如何呢一個病對於患者呢個實在非常困擾. 西醫嚟講治療主要是利用避孕藥治療調節經期, 一方面也可以保護子宮內膜避免內膜增生. 另一方面減肥也可以令到這個病有好轉. ( 中醫睇法也是一樣下面再講). 此外也要定期去檢查有冇例如糖尿病的併發症. 若然病人準備要懷孕, 就可以用排卵藥物或者是其他助孕的方法協助.
睇中醫嚟講, 呢一個病可以歸納為 “月經遲期”. 月經越嚟越遲來可以簡單分為實證和虛證. 先講虛症, 例如肝血不足,又或者我哋平日出聲講嘅血虛, 即係好似身體根本唔夠reserve, 所以根本唔夠血畀經準時來, 所會就會越嚟越遲來, 而且來嘅時候血量亦都小. 至於實證, 就係有嘢阻塞了經絡, 例如瘀血阻塞 , 痰濕阻滯, 肝氣鬱結 等等原因所引起. 所以治療嘅時候要睇返病人嘅情況去斷定原因. 否則治療效果事與願違.
但近來中醫學界都發現, 卵巢多囊症的中醫辨證有一個共通點. 就是這種病人都是本來脾胃虛弱, 有痰濕阻滯為主要原因. (當然每個病人情況唔一樣, 可以幾種病機兼夾一齊出現). 有呢個病嘅病人, 大多上身體較為肥胖, 不少人的腸胃有青少年期間已經不太好, 有些可能是經常肚瀉, 也有一些是經常大便秘結, 又或者以上交替出現.
睇中醫嚟講, 脾胃屬於後天之本. 亦即係話脾胃虛弱的人, 飲食唔能夠得到正常消化, 產生不了正常的氣血, 所以身體就會出現氣血虛弱嘅情況. 但另外一方面消化唔到嘅食物 (中醫講食物嘅養分稱為作水穀精微, 用自非常漂亮) , 不單只變唔到營養, 仲會變成身體的廢物, 亦即係我哋所講嘅痰濕. 脾胃虛弱又加上痰濕重, 人就會變得越嚟越肥腫, 而且面部都腫脹, 濕重皮膚不會光滑而且容易出暗瘡. 痰濕阻滯經絡, 所以月經便會嚟得越來越少. 另一方面氣血虛樣也加重了這個情況. 所以喺自己嘅時候, 呢一類病人是有虛有實, 兩者要同時兼顧了達到治療效果.
卵巢出現多個水囊, 睇中醫嚟講都係痰濕積滯嘅表現.
所以中醫嘅治療嘅時候第一定先調理腸胃, 透過健脾化濕去痰的中藥, 阻止新嘅痰濕產生, 另一方面也要打通了阻塞的經絡. 呢方面處理好了, 很多時病情便會進入自己越嚟越好嘅好循環. 因為腸胃好了自然會生氣血. 有時都唔一定要用很多補氣血的藥. 除非病人虛證明顯, 可以稍稍加一點養血的中藥 但要留意有些病人臉部也有不少暗瘡, 又或者身體皮膚,唔好成日出疹, 呢一個時候要同時間呢用中藥清除鬱熱. 如果單用一些益氣養血嘅中藥可能會令到病情越嚟越差, 皮膚越嚟越唔好. 所以唔係一路諗住食補品就一定醫得好, 有時會越醫越衰.
病人也要配合一些生活的規律, 第一時要減磅, 要減食甜 (甜食生濕), 也要每天做輕量的運動, 再配合一些化濕減肥的中藥, 效果可以事半功倍. 另一方面要留意, 其實喺餐單方面也有一些注意嘅地方, 例如是幾點鐘應該進食, 應該食那些東西, 呢一些比較個人化的就真係要請教自己的 中醫師. 另一方面睡眠一定要 足夠. 因為原來適量的運動和充分的睡眠就已經可以令原本阻塞的經絡慢慢打通, 所以呢方面看似簡單實在不可不察.
Comments