一連三集講咳嗽。
近來不少人因為新冠肺炎之後引發長期咳嗽。 呢一類嘅病人好多都會覺得喉嚨痕又或者氣管痕癢， 咳嗽難以忍受。 有些病人甚至持續咳嗽幾個月， 甚為困擾生活。 其實無論什麼原因引起嘅咳嗽， 咳嗽都係一種難醫嘅病。 古代都有話，“名醫不治咳”。 原來即使傳統中醫， 也有呢一種講法， 盡量唔睇長期咳嗽病人， 費事“畀人拆生招牌”。 咁究竟長期咳嗽應該如何治理呢？
第一其實咳嗽嘅原因有很多種。 西醫嚟講， 咳嗽原因也有很多種。 最為常見的就好似感冒以後或者新冠肺炎之後的長期咳嗽， 呢一類都係屬於病毒感染後的咳嗽。 另外有一種就係而家好多人講俗稱 “敏感咳嗽” 的長期咳嗽。 呢一類嘅患者 經常乾咳 特別係遇到氣溫變化，又或者食飯嘅時候就會不斷咳。 越嚟越多病人被診斷為敏感咳嗽， 但其實喺西醫嚟講沒有一個確實嘅病名叫做敏感咳嗽。 充其量呢一類病人 一般被歸為敏感性嘅疾病。 另外有一些長期咳嗽係因為鼻水倒流， 心臟功能衰竭 ，胃酸倒流， 哮喘又或者肺氣腫所引起。 治療呢一些咳嗽必須 治本解決本身的潛在疾病。 最後留意的是假如咳嗽 治療兩星期或以上沒有好轉， 便需要 拍肺部x光以確保沒有肺炎 ，肺積水，或其他嚴重肺部疾病。
咳嗽係中醫嚟講就更加複雜。 大致分為外感咳嗽和內傷咳嗽。 外感咳嗽即係像經過感冒又或者， 新冠肺炎以後所引起的長期喉嚨癢咳嗽。 呢一類嘅病人 嘅特徵係喉嚨或氣管經常痕癢， 一樣起上來便忍唔住不斷咳嗽。 首先點解喉嚨 和氣管會覺得痕癢呢？ 係中醫嚟講呢一種情況屬於風寒殘留在肺部。 呢一類病人 通常是在感冒期間 唔能夠快速痊癒， 又或者同時間進食了生冷，風寒乘虛而入結於肺部。 引起長期咳嗽。 呢一種嘅咳嗽其實用中藥嘅成藥止嗽散效果非常好。 又或者假如喉嚨 真的痕癢 可以考慮用紫蘇葉和生薑焗水常常飲也有一定的效果。
留意不是說 外感以後的 痕癢咳嗽一定是風寒。 假如病人還有殘餘的喉嚨發炎疼痛， 又或者痰多又有肚瀉嘅症狀。 呢個情況可能分別屬於風熱或者風濕積聚在肺部， 情況分別可以用 桑菊飲等等嘅中藥去治療。 所以寒熱溫涼要分清楚， 假若變錯了胡亂服藥有時越整越衰。
留意的是外感咳嗽千萬不要進食什麼補肺嘅藥物。 否則越補越衰。 這是因為 風邪還沒有透清 服用補肺嘅補品 ，喺中醫嚟講有所謂“困邪”。 早排有一個病人就是 新冠肺炎後長期喉癢咳嗽， 他以為大病後必須要進補， 進食了不少冬蟲夏草和人參咳嗽反而加重了而且變得越嚟越多痰。 反而用了一星期的中藥驅風化痰利咽喉， 病情很快得到緩解。
另外留意一般普通外感咳嗽很少會氣喘。 假如病人本身身體健康沒有心肺的疾病， 不斷咳嗽越嚟越重而且有黃痰， 再加埋 走路覺得有點氣喘。 便要留意這可能是肺炎。 這種情況可能需要， 利用抗生素治療。 用中藥治療肺炎就必須用一些較為重的藥例如是麻杏石甘湯等等。 所以病人㗎如一邊咳嗽一邊有 氣喘，最好都係照番張x光比較穩陣。
有一種轉證嘅情況頗為多見。
就係例如新冠肺炎又或者其他上呼吸道感染， 起床喉嚨痛鼻水咳。 例如喉嚨極痛者可能服用了一些清涼嘅中藥， 喉嚨痛好轉了。 但食多了一兩天反而變成了喉嚨痕， 咳嗽越嚟越厲害。 呢一種係過度寒凉令到疾病又熱性變成寒性。 一旦發覺喉嚨已經開始有少少痕， 原本食嘅 清熱解毒中藥便需要停止。 戒口方面喺呢一種情況必須要戒掉所有凍飲又或者雪糕， 魚生也要戒掉。 太甜嘅生果也最好暫時減少。 即使吃生果也要把生果放到變成室温才可以進食。 奶類和豆漿裏等也暫時減少否則會生痰。 中醫 認為脾胃係生痰之源， 不到了我會感受病後腸胃功能其實會減弱( 因為身體調配了正氣去對抗外感， 所以我哋病嘅時候胃口會減低 此乃正常反應)。 假若繼續甜食或凍食， 腸胃陽氣唔能夠完全消化，便會成為痰濕， 咳嗽便會越嚟越嚴重了。
無論如何外感引起嘅長期咳嗽， 假如能夠對症下藥， 其實你用中醫藥治療效果是頗為好的。
聽日再講更加複雜的內傷咳嗽。
Comments