近日睇咗一位年輕患癌病人所寫的經過和困難， 令人感觸。
作為一個腫瘤科醫生， 無論以往在瑪麗醫院或現在私人執業，同樣的故事實在不少。 現在大眾知道一般年輕患者的困難， 希望受到社會的重視。 我有以下幾點嘅思考。
1) 我以往喺呢度都寫過，<< 癌症是一家人的病>>。 癌症這種疾病， 往往全家人一齊擔心。 各種的一 壓力除了病人之外，其實照顧者所受的壓力也絕對不輕。 所以唔好忽視咗照顧者和家人的 情緒和精神健康。
2) 醫療保險的重要性。 我以往都寫過。 大約咗五六年前我和很多同輩的人 ，甚至是大家在公立醫院共事的醫生， 都不斷講要買醫療保險嘅重要。 對一年青無病的人 ，即使買貴價的醫療保險一年都只是幾千蚊。 真係可以講去少一次日本，條數喺返到。 但畢竟年青無病的人很少會想到醫療嘅需要費用係突如其來，冇得準備的。 所以同輩的人大多唔會買醫療保險。
3) 當然醫療保險唔代表解決曬所有嘅問題。 治療癌症其實所受的壓力亦不少 ，但我接觸嘅不少病人講起來其實最大嘅壓力都係財政壓力。 現代治癌確方法有很多。 但係不少藥物和治療技術都需要很多的金錢， 沒有一些保障全面高額的醫療保險，一般中產難以承擔。
4) 不少人指意曬醫管局作為醫療保障。 其實即使在醫管局 唔少嶄新嘅癌症藥物都需要自費。 每月由幾萬蚊甚至到接近十萬元也有的。 當然而家越嚟越多次善機構和基金資助已經減免咗好多藥費。 但通常新藥嘅資助是最少的。 而且有一些資助是需要資產和入息審查， 而且有一些資助 都需要病人作為小小的contribution.
5) 醫管局癌症服務 ，雖然唔係十全十美。 但其實已經好過唔少發達地區。 始終香港的稅收沒有西方社會的那麼高， 其實提供到嘅醫療服務算係唔錯。 所謂花無百日紅， 醫管局的收入主要來源是稅收， 而稅收的多少也和經濟週期有關。 若然經濟下滑，無可避免癌症服務一定會受到一定程度嘅影響。 所以醫管局作為一個龐大嘅安全網 ，非常重要， 但若然有能力的亦都可以買醫療保險作為自己的醫療保障。
6) 一些西方的國家， 即使是最貴的標靶藥和免疫治療， 一旦符合資格和indication, 基本上費用全免。 但有兩個代價。 一個就係高稅收。 另外一個就係呢啲國家都唔批准Off label use. 即時說就算有一些疾病需要用較為前瞻性嘅藥物治療， 有一些未經過正式批准的用在某一個疾病上。 即使醫院有該一種藥， 病人也願意付費自費使用， 衛生當局也是不批准醫生開的。 可以話係有錢都未必用到啲藥。 所以每一個地方嘅醫療系統都有唔同， 各有各嘅好處。
7) 幸運的是香港有唔少支持癌症病人和家屬的NGOs. 也有不少提供慈善義診服務 和一些 慈善 基金幫助癌症病人減免藥費。 有需要的人士 記緊懂得 求助，不少人願意伸出援手的。
Comments