尋日講到原來 長期情緒嘅問題，係中醫角度可以引起不同嘅疾病甚至癌症。 反過嚟 其實有好多 精神情緒嘅問題 例如是抑鬱，驚恐症，經常心慌慌， 注意力不集中， 甚至小朋友讀書成績不佳， 經常缺乏鬥志等。 其實 中醫嘅角度，有部分都係因為身體差 ，五臟六腑失調所引起。 所以有時單純用情緒輔導嘅方法，並能夠完全解決呢啲問題。
呢個係西醫同埋中醫其中一個唔同嘅地方。 西醫嘅精神學， 雖然也有所謂身心症(psychosomatic diseases) 又或者organic diseases 引起精神問題， 但絕大部分嘅精神情緒病 基本上都是和身體整體嘅體質治療沒有太大關係。( 西方醫學 一般指著重長期嘅精神病引起腦部嘅變化) 中醫就好唔同，非常著重身心合一。 五臟肝心脾肺腎 ，每一個都主宰唔同嘅情緒， 當然佢哋之間也有各種相互關係。 講開又講其實五臟六腑所指嘅係一個系統， 並唔係 完全等同西醫所講嘅內臟， 喺呢方面嘅問題非常複雜 ，我有一條youtube片有詳細講解， 遲一啲我會post出嚟。
所以長期嘅肝氣鬱結會引起身體實質嘅問題， 反過嚟身體的其他問題也可以引起肝氣鬱結。
例如長期嘅唔夠瞓， 又或者日夜顛倒嘅人， 中醫所講肝血不足。 因為夜晚瞓覺時候係天然補肝血嘅時候。 假如長期唔夠瞓又或者用眼過度( 用電腦或者打機太多)， 就會損傷身體嘅肝血。 肝血唔夠，肝氣就會反過來躁動不安， 受到了小小的生活壓力便覺得 壓力過大，而且情緒抑鬱。 所以治療呢一種嘅抑鬱症除咗疏肝氣之外也要補肝血。 而且要病人一定要有充足嘅睡眠， 甚至補返之前唔夠瞓嘅時間咁先可以有效果。
所以呢個就係點解就算面對同一件事 ，唔同人自覺嘅壓力反應抵受程度都唔同。 係因為每個人嘅體質唔同臟腑嘅氣血多寡都有唔同。
例如假如一個人受到突然和重大嘅精神打擊， 呢個時候身體會損傷心血心氣。 心嘅氣血不足 會覺得心口真係唔舒服， 嚴重嘅會經常有離心力嘅感覺。 又或者自己覺得心跳得好大力而且跳得好快。 假如一個人本身心嘅氣血充足， 通常事件過後平復了一排，身體自然會回復。 但有些人可能天生心氣血不足， 又或者經常用神用心力過度的人， 例如是經常生活上很多事情要擔憂很多重擔， 這女人若然再受驚後，氣血不足嘅情況會更加嚴重。 形成了長期心悸而且有驚恐嘅傾向。
中醫治療這類嘅病人， 其實好著重長期調理， 整體養心氣和心血嘅方法。 最簡單嘅家中食療係經常利用南棗焗水飲。 南棗可以養心血而且唔燥熱。 另外心理調適方面呢一種人要多看喜劇， 因為心臟主宰喜樂這種情緒。 要利用返心本身所主宰嘅情緒去補番參氣血嘅不足。 另外留意心氣血不足的人經常同時間會覺得手腳無力， 而且動少少就唔夠氣。 如果喺氣血真係唔足夠嘅時候其實嗰一排，應該需要靜養， 不適宜作劇烈嘅運動。 靜養嘅時候也要配合中藥治療慢慢回復心嘅氣血。
另外有一些小朋友可能， 無論做什麼也可以沒精打采。 而且讀書方面成績唔好， 集中力也不足。 有一些可能是本身天生腎氣不足， 又或者是好細個嘅時候瞓覺瞓得唔夠。 後者嘅情況香港都頗為普遍。 主要因為現代社會競爭大 ，不少人 從小就要學好多嘅培訓班，引致休息不足， 損傷氣血。 另外假如經常很早便要 起身返學的 ，也可能會有唔夠瞓氣血不足嘅問題。 本身氣血不足假如天生腎強， 都可以頂得住。 但問題是小朋友仍然在生長階段， 腎氣未完全 成熟。 所以㗎如果過度嘅操勞會損傷腎氣。腎氣主人生的 意識和智力， 腎氣不足自然集中力唔夠學習能力低下。
所以對小朋友最好， 頭幾年可能係畀佢哋瞓得夠就係最好嘅補品。
聽日再講。
Comments