有病人因患療前列腺癌求診. 問電療是否要電七個禮拜多的時間呢 ? 我就話畀佢聽, 其實而家前列腺癌電療次數已經越來越少, 一些初期前列腺癌其實電療時間已經早幾年開始縮短至四星期. 其實現在某一些合適的前列腺癌, 電療只需要做五天就已經可以完成. 病人覺得好詫異, 聞到點解會有咁大嘅變化呢? 電療嘅次數會唔會影響療效呢?
其實早期的前列腺癌, 假如沒有出現都擴散. 一般有兩種方法治療. 第一時手術切除, 第二是利用放射治療(電療). 兩者對於根治前列腺癌的的療效也是一樣的. 無論手術和電療的副作用都各有長短. 但不少病人因各種原因不想進行全身麻醉手術, 從而選擇電療進行治療前列腺癌. 的確以往前列腺癌電療需要電37次至到39次. 星期一到星期五每天一次. 前前後後一共需要連續每天工作天到醫院治療八星期. 做起上嚟實在非常頻撲. 所以好多病人都會覺得身心疲累.
但其實隨著技術進步 而家電療嘅次數已經越嚟越少，而且可以達致相約甚至更好的療效。
咁點解以前要電成八個星期而家只係五日就可以完成呢？
原來是咁的。電療之所以分那麼多天進行， 是因為傳統上電療不能一次過給予所有劑量， 否則副作用太大。 喺前列腺癌嚟講由於和膀胱和直腸位置相當接近， 所以假如一次過給予很多的劑量會造成膀胱或 直腸發炎，嚴重的話甚至可以穿孔。 所以攤開嚟電就可以減低呢一啲附近器官嘅副作用。
但另一方面因為前列腺癌和其他腫瘤的特性有些唔同。 佢嘅獨特之處就係 假如 每一次的劑量 教大， 腫瘤死亡的比率會比分開嚟電更加有效。 因此近十年以來 全世界都盡量將電療嘅次數減低。 例如幾年前在英國一般低度或中度風險的前列腺癌， 全部都已經縮短為四個星期的電療。 大大方便了病人。
因為現在電療技術定位精準度大大提高， 再加上有影像導航的緣故。 睇位睇得更加準確。 所以近這十年， 終於可以把前列腺癌電療的次數 大幅減少。 而且並沒有增加副作用。
近這幾年更加嶄新的電療技術， 立體定位放射治療(SBRT)， 終於適用於前列腺癌身上。 某一些 適合的前列腺癌， 只需要隔日進行 五次的電療， 就可以完成。 即係話療程有以往八星期差唔多日日去醫院， 變成一個半星期只需要去五次治療。 實在更加好。
所以在北美的地方，其實呢幾年利用SBRT 進行五次的前列腺癌電療已經變成了其中一個主流。 至少低風險和中風險的前列腺癌都是用這種方法治療。 即使是高風險的前列腺癌 ，以往還是利用 傳統長時間電療， 但近這兩年已經有越嚟越多嘅數據都支持SBRT治療。
但無論如何， 每個患者病情都有不同， 是否適合使用SBRT 進行五次電療， 記得先請教自己的主診醫生了。
Comments