癌症之所以較一般疾病較可怕，是很多時 一人患了癌症，成家人都好像有點一齊受苦.
首先由確診開始， 很多人一開始根本不能相信自己得了癌症， 是一件非常晴天霹靂的事。身邊的家人和朋友知道後， 也會一齊吃驚和一齊擔憂。 好多時當病人還未能夠 定下來接受 之後下來的檢查和治療， 身邊的人便會不斷給意見， 又會發散曬人際網絡搵最好嘅醫生。 當然不少人也會馬上諗到不斷介紹各種各樣的補品。 所以在這個階段好多人都會恐慌,不知所措,和infomation overloaded。
到慢慢接受以後， 決定要接受治療之後 好多人嘅心反而仲會定D. 但隨即其他的煩惱 又開始。
無論是做手術，又或者要做電療化療， 在甚至是睇中醫， 都要不停地選擇 醫生和醫院。 理由是癌症是嚴重的疾病， 大家都需要搵最好最合適的醫生。 也會不斷考慮是公立醫院還是到私家醫生哪裏治療呢。 通常除咗訂人緊張之外， 好多時加人仲緊張。 不斷地上網不斷地用各種whatsapp或者靠朋友介紹各種的醫生不斷對比。 有時越睇得多越揸唔定主意。
好了都接受治療以後， 就簡直一關一關咁樣過。 以乳癌為例， 起初可能要先做手術。 做完要又要擔心傷口的復原 ，又要擔心病理報告。 到報告出了以後可能有需要做化療。 這一階段又是另一個關口。 家人又會擔心 病人係咪真係頂得順各種各樣的副作用。 幾個月的化療終於 順利完成。 下一步又要做15次的電療。 接著也可能要食幾年的荷爾蒙藥物。 前前後後咁多關卡 又確診度開始食較穩定下來， 最少都半年以上。
呢半年可以講係成家都冇人安樂茶飯。
有一些病人較為不幸可能疾病已經擴散了。 除了要接受各種藥物治療， 也可能需要 再去用中藥或針灸等等減輕負作用也有機會在某些階段用電療等等。 昨天睇一個腸癌病人， 仍然在接受藥物治療中。 他有確診到現在已經差不多九年， 經歷過不同的藥物和各種手術治療。 他說無論是他自己和他的家人都感覺精神非常疲累。
有些時候 也不可忽略病人照顧者的壓力。 例如此病人的伴侶子女或其他親人朋友等等。 很多時這些家人所受的壓力不會畀病人少。 而且再加上有時對於治療方向和病人的諗法有唔同，也會引起家庭拗撬，更加增加各人的生活壓力。 而且有一些照顧者 一見到病人的情況較差又會產生內疚感， 覺得係咪自己照顧唔好， 又或者係咪自己煲嘅湯水唔夠，食療用得唔啱呢。 好多時我們作為醫生在臨床方便也要好好輔導一下病人的照顧者。
上星期睇咗一個 頭頸癌的病人電療後已經康復。 但病人康復以後卻得了抑鬱和失眠等 情緒問題， 希望服用中藥幫手。 我在問診的過程中 除了病人說話，他的丈夫滔滔不絕而且越講越快心情有點激動。 後來我中間提了他一句。 說他可能也需要接受一些情緒輔導 和中藥治療。 後來病人的丈夫坦白的說 自從病人一年前病了以後 他幾乎每晚都睡不著，最多也只睡得四個小時精神壓力很大。
除了各種醫學問題以外金錢問題也是一個重要課題。 雖然公立醫院給的治療已經越來越好，( 其實比世界唔少地方都已經好)。 但始終有一些較為嶄新的藥物 ，電療或其他治療 ， 甚至是電腦素描 ，都需要自費的。 所以喺呢個時候 ，若果買了醫療保險的病人可能會較為好一點。 之前我喺這個博客也講過買醫療保險的重要性。 否則政府唔需要推自願醫保。 當然買邊隻， 買哪一個級數， 如何買也很重要。 有興趣請自己爬文。 但若然保險不足又或者 需要自費的 金錢考慮絕對係一個強大的壓力來源。 而且生病以後可能工作也會損失那麼家庭的 各種收入也會減少。 所以呢一方面唔可以睇小。 有時對於治療費用 和家庭金錢的 擔憂畀疾病本身更為大壓力。
所以我話一人患病其實是全家受苦。
咁講咗咁耐究竟如何解決？ 當然搵到一位啱嘅醫生又頭跟到尾這樣重要。 但除此之外對於病人和家人的各種support, 也不可忽略。現在其實香港有不少的癌症 慈善機構都有提供各種免費服務， 也有很多同路人小組 用親身經歷 為各位病人和家人共度難關。 所以大家 千祈唔好怕醜收埋自己。 有需要時對外求助是非常重要的。
另一方面喺呢度賣小小關子。 有一本專為癌症 病人照顧者的電子書和實體書將會很快推出。 籌備已經超過兩年。 呢本書完全免費。 而且 又每個疾病 到 各種唔同嘅治療到各種社會服務 ，如何處理金錢， 甚至是如何煮餸(啱病人食而且有仲要好食!)。。。 等等各個方面非常全面。 筆者有幸協助籌備這本書( 只係小角色)， 接受訪問的醫生至少都有幾十位。 而且仲有大量的youtube videos. 網頁有成一千頁， 將會 陸續推出。 解答病人以上 的各種問題。
相信呢一個project 真係可以幫到各位患者和家人。 幫助大家走過驚濤駭浪。
正式推出嘅時候我會為大家簡介一下。
Comments