近來準備新診所工作較為繁忙， 呢一篇文之前寫到一半卡住咗。 但係見到有讀者強烈要求盡快刊出， 我就今日星期日完成埋佢。 起初諗到人體嘅腰部就像Router 一樣，係因為要設計新嘅診所鋪設網絡， 網絡嘅順暢和安全對於診所嘅運作尤其關鍵， 所以靈機一觸先察覺其實人體嘅腰部就真的像router 或 switch 交換器一樣， 係人體氣血流動必須經過嘅重要通道 。
承接上集， 人體的腰部有著重要的經絡穴位， 掌控了整個下肢的皮膚脂肪肌肉層等各個功用。 腰部直至到下肢的後面， 最大的經絡就是脊柱旁邊的膀胱經絡。 膀胱經絡由下肢嘅後面一路直上到腰背再直上到頭部頸部。 針灸有所謂“腰背委中求”， 就係說假如治療腰痛， 針灸要針 膝頭正後方的委中穴( 膝頭後面凹陷處的正中間， 針灸這個穴位會產生強烈的酸痛感)。 浸了這個穴位之後透過膀胱經絡可以打通腰部嘅膀胱經， 鬆弛腰部 兩旁嘅肌肉所以可以治療腰痛。 反過來同樣道理， 透過按摩或針灸腰背的穴位也一樣可以治療下肢的疾病。 正如以上所講膀胱經絡基本上經過下肢的正後方， 有些人經常腳部水腫， 又或者小腿和大腿脂肪積聚， 減極都減唔去。 有些人甚至利用針灸下日肢去水和減肥的作用但係療效亦都一般。 如果係呢種情況一定要先檢查腰部， 假如腰部嘅肌肉或者穴位繃緊， 必先治療這部分的問題， 膀胱經的中間被卡住了， 下肢的經絡唔暢通自然會變得水腫或肥胖。
所以治療呢一種肥胖除咗針灸放鬆腰部以外也要適當補腎氣。 因為腰部兩旁的肌肉支撐主要係腎氣來決定， 腎氣一虛弱這部分的肌肉便會酸痛經絡阻塞。 留意腰椎第二節(L2) 旁開咗又正正就是腎俞這個穴位， 這個月為係腎氣所集中嘅地方。 中醫所講 下肢水腫者大部分是因為腎氣虛弱唔能夠排水， 其實奧妙就在於腎氣虛弱 腰背肌肉和下肢經絡阻塞的這個關係。
此外中醫説腎司二便， 即時說腎氣正常則大小便通腸， 腎氣虛弱質小便不通，滲尿，或者為遺尿。 腎氣虛弱也一樣引起大便的問題。 而大小便的影響也是因為透過腰部這個Switch.出現問題的結果。
例如小便失禁又或者小便不通， 中醫治療通常會用腰下部底骨sacrum旁邊的四個穴位(上髎、次髎、中髎、下髎)。 呢幾個穴位就像開關小便的控制器一樣， 能夠治療各種小便問題。 但係當然亦都要配合補腎氣和其他輔助治療。
另外如果假如經常大便不通， 也可以按摩或針灸腰部的肌肉。 以上介紹過的腎俞和在腎俞 稍為下面的大腸俞( 在腰椎第四節L4旁開)， 是治療便秘的重要穴位。 一些病人假如做腸部手術之後， 大便功能未回復正常， 大便唔能夠正常排氣， 呢個時候可以針呢兩個穴位， 促進大便功能。 所以有些時候透過按摩下腰部 兩旁的肌肉 ，可以治療輕度的便秘。
腰部嘅重要性和腎氣息息相關。腎氣就等於人體的最後Capital. 所以好多人長期腰痛係因為各種原因 各種病痛損傷了腎氣。 腎氣一虛弱腰背出問題再繼而影響下肢和大小便。 而其中一樣很常見損傷腎氣和腰的原因係唔夠瞓。 其實只要一兩晚唔夠瞓又或者通宵工作， 第二朝會馬上覺得腰部和下腿無力酸痛感很強。 如果有機會問下曾經在醫院當值整晚沒有睡覺的醫生， 不少人都會過得過一天之後會覺得腰部強烈疼痛酸軟。 曾經On call 過醫生都有呢種感覺。 其實係身體因為瞓得少唔能夠回腎氣， 從腰部酸痛反映出嚟。 後生的瞓返幾天便沒有事了， 年紀較為大的長期如此會引起腰背的問題。
總言言之， 頸部是人體上肢和頭部經過嘅高速公路， 腰部則是下肢連繫身體的重要橋樑。 呢兩個部分假如出現問題牽涉嘅疾病範圍非常廣泛。 所以要注意保護好頸部和腰部。
Comments