剛剛和一位以前中醫同學討論， 佢話近來佢睇一位胰臟癌病人， 起初做化療的時候癌指數節節下降。 但停了化療做了幾星期的電療， 反而疾病反彈擴散。 佢問究竟係唔係電療對於癌症冇乜作用呢？ 當然唔係。電療是非常有效的治療癌症療法， 但關鍵是要選擇合適的黃金時間 和選擇適當的電療方法次數。
琴日都講過，其實而家電療技術越嚟越精準， 大大減少了副作用, 而且給嘅電療劑量大大提昇,可達到滅絕腫瘤(ablative)的劑量。 也有很多不同嘅電療方法， 有常見的linac, 仲有好多什麼MR Linac, VMAT, IGRT, Tomotherapy( 螺旋形電療), proton therapy ( 質子電療), heavy particle therapy ( 重粒子電療) 等等。 其實冇話邊一種方法 較為優勝， 絕大部分嘅情況其實用任何嘅新型電療機都已經可以達到良好治療效果。 情況就好似汽車一樣， 有好多唔同牌子， 有tesla，有寶馬 ，有benz， 有Toyota 等等， 當然個個都講到自己嗰架係最好， 但其實最重要係揸車嗰個司機。。。。
其實除咗機器以外更加重要嘅係選擇電療嘅黃金時間和黃今次數。
先講下電療嘅次數。
傳統嘅電療基本上是星期一到星期五5天電了， 每天給予嘅電療劑量係2 Gy. 一般不少腫瘤需要電二十幾次甚至去到三十幾次都有。 次數越多當然總劑量越高。 這個也好容易明白。 近這十年越來越多的電療進入 Hypofractionation 的年代。 你即係話盡量目標係減少電療嘅次數， 每一次給予的劑量 盡量大於2Gy. 之所以可以咁樣做， 係因為現在電療定位技術精準， 減低咗波及周圍無辜的組織。 基本上就等於現代戰爭中的 無人機定位轟炸。 電療愈嚟愈精準所以可以一次畀多啲劑量都唔怕。
今次數減少咗有咩好處呢？ 最大嘅好處就係方便咗病人。例如以前列腺癌為例，傳統電療差不多要電38度39次， 所需時間接近八個星期。 試想想， 每天一至五都要去醫院一次去足八個星期無間斷， 是多麼的身心疲累呢! 所以現在前列腺癌電療，很多時已經可以用立體定位放射治療減低到五次。 有些病人 不適合做五次電療也可以大大減低至20次電療， 即係畀 以往電療嘅時間縮減了一半。 除咗方便咗病人其實係經濟上嘅效益亦係更加大。 喺公立醫院嘅角度，病人少咗去醫院嘅次數，佔用機器嘅時間較短，可以喺有限嘅資源之下治療更加多嘅病人。 在私家醫院因為佔用醫院嘅時間少， 收費會較為便宜。 這樣做實在有利於病人。
除咗方便和化算之外， 喺某一啲癌症其實假如係用次數較少嘅電療 喺 輻射生物學上研究上，發現原來控制效果更加好。 最顯然嘅例子就係前列腺癌和乳癌。 在這兩種癌症當中， 同一次畀更加高嘅劑量， 能夠殺滅更多的癌細胞。 所以係呢兩種癌症嘅電療方面 ，已經變得次數越嚟越少。 好像術後乳癌電療， 由以往的25次 變成現在全世界的標準15次， 有些地方對於早期嘅乳癌甚至已經縮減到5次電療。 因為發現 原來縮減咗電療不單止副作用相約 癌症嘅控制好似還有所提升。
另一個電療次數越多， 還有一個唔好處， 原來係有機會壓抑免疫力。 為什麼會這樣呢？
原來我們身體的免疫力主要係靠淋巴細胞來發揮抗腫瘤能力。 而在血液當中遊走的淋巴細胞對於電療是非常敏感的。 只係給予輕量的電療身體的淋巴細胞便會死亡。 而每一次電療 的療程當中 受到電療影響的器官裏面血液的淋巴細胞 無可避免受到照射 而數量減少。 電腦的次數越多 ，每一天所照射的淋巴細胞越多， 那麼身體的 抗腫瘤的免疫力便會削弱。 學名上叫做Radiation induced lymphopenia ( 放射輻射引起的淋巴 細胞減少)
所以用 五次 的高劑量定位電療(SBRT), 又或者總之盡量減少電療次數， 已經有不少研究證實可以減少 radiation induced lymphopenia. 即係話用次數較少的Hypofractionation電療 , 可以較為保護身體的淋巴細胞. 淋巴細胞在電療後的數量越低， 在肺癌，腦癌 ，胰臟癌 ，食道癌等等癌症當中， 研究已經發現淋巴數量越低則死亡率越高。 所以利用SBRT 治療癌症已經成為電療的其中一個趨勢。
你可能會問雖然次數減少咗，但係每一次嘅電療劑量大咗喎， 每一次電療嘅時間多咗，淋巴細胞受到照射嘅時間係咪又長咗呢？ 答案係因為現在 絕大部分嘅電療機 所給予的Dose rate ( 每一秒所給的劑量), 已經係非常快。 所以即使每一次的電療劑量加大了， 其實所用多嘅時間只係非常少。 所以整體淋巴細胞受到照射嘅時間 較傳統電療低。( 比喻就係其實 就算你睇youtube由1080 變咗睇4k， 都唔會窒下窒下係因為而家已經全部係5g電話網絡!)
總言之電療發展嘅整體方向， 次數越嚟越少， 種的劑量卻越嚟越大， 定位更加精準。
今日講完 電療次數 ，聽日再講下何謂黃金時間。
撰文： 臨床腫瘤科 專科 蘇子謙醫生
Comments