昨天有一位舊病人回來覆診， 他患的病是大腸癌有腹腔轉移。 而他的大腸癌較為獨特的是， 他的腫瘤是黏液性的(mucinous), 和一般的腸癌不同。 呢一種腸癌的特徵是， 疾病經常在腹腔返發， 而且腫瘤會分泌很多黏液性的物質， 很容易造成腹腔內的大小腸黐埋一齊引起腸塞。 更重要的是， 呢一款特別嘅腸癌利用普通嘅大腸癌化療和標靶藥， 療效較為強差人意。 主要因為這些黏液會阻礙化療藥物的滲透。
這位病人和其他還有呢一種疾病嘅病人都一樣， 曾經出現過腸塞嘅問題。 他亦接受了腹膜癌症切除的手術， 腹腔熱力浸化療的方法。 做完手術以後病情大為減輕， 腸塞問題得到緩解。 但不出幾個月癌指數又再上升， 而且腸胃嘅痛楚 也好像慢慢加重。 在手術以前他已經接受過了傳統 的 兩種化療針(再加埋標靶藥)，分別是oxaliplatin 和 irinotecan. 只有起初有一點點的療效， 但很快癌細胞便產生抗藥。 這個其實和粘液性腫瘤的特性有關。 因為呢一種腫瘤 其實一本生長較為緩慢， 所以對化療的敏感度不足。 腫瘤雖然生長緩慢但不斷分泌一些黏液， 所以有時手術可以切除超過十厘米直徑嘅龐大腫瘤， 其實當中大部分都係黏液，可能只有一成左右係真正嘅癌細胞。 而且呢一些黏液才是引起各種腸塞問題嘅原兇。
病人沒有再發生完全塞腸， 但係胃口已經有點減退。 臨床上 發現疾病又再開始纏繞腸胃。 這位病人採取了中西醫結合的方法。 但因為腸胃受不了標準的第三線化療。 於是他便利用了超低劑量的口服化療， 再加上中藥兩者間斷服用。 治療要3個月， 癌指數穩部回落， 復康因為黏液引起的疼痛也慢慢減輕， 胃口和精神也逐漸好轉。 病人繼續治療中。
病人問到原來用那麼低劑量的口服化療也會有效的嗎？ 其實口服低劑量 而且持續地給予化療， 英文上學名叫做metronomic chemotherapy. 呢一種做法其實是有科學根據的。 利用 口服低劑量持續化療， 目標和平日做化療以化療藥物毒死癌細胞的理念唔同， 呢一種做法主要的攻擊點是可以抑制癌細胞的血管增生， 從而慢慢地令到癌細胞退卻。 呢一種療法對於 癌症生長較為緩慢 的腫瘤最為合適。( 傳統的化療用量 ，針對生長速度快的腫瘤效果更好) 而且利用低劑量的方法也減輕負作用， 很多時病人並不會 感受 特別的化療副作用。 甚至有一些研究發現利用呢一種古老的方法， 再配合抗血管增生的 標靶藥和新型嘅免疫治療可能效果更好。
至於中醫藥如何看待呢一種黏液性大腸腫瘤呢？ 因為呢種腫瘤分泌很多黏液 ，喺中醫嚟講屬於痰濕嘅類型。 中醫認為呢一種病嘅發生係本身腸胃虛弱， 身體嘅水份唔能夠正常咁分佈， 慢慢產生了一些水嘅廢物， 即係所謂嘅痰濕。 痰濕積聚喺復康， 慢慢生長病人會覺得個肚越嚟越脹， 食唔到嘢， 產生大小腸阻塞嘔吐不斷嘅症狀。 中醫嚟講治療呢種疾病第一要用強烈的化痰散結藥物， 清除積喺腹腔嘅痰濕。 另一方面也要適當的健脾益氣， 阻截痰濕嘅發生。
但留意的是治療的一些癌症化痰濕嘅中藥， 一般藥性猛，當中也有毒性， 讀者千萬不要自行服用。 別單請教中醫師處方合適嘅藥方。 就呢個病人嚟講因為病人同時間也服用口服化療， 所以利用中藥 強烈 嘅藥物嘅時候，也要注意和口服化療有好嘅scheduling. 覺得有可能毒上加毒，影響病人胃口， 甚至產生毒性。 呢方面一定小心行事。 要密切觀察病人嘅情況調教各種藥物。
這一種腫瘤由於生長的特性問題， 可以講係纏綿難愈， 必須要喺爭取還未發生腸塞嘅情況之下， 盡快用合適嘅治療， 否則一旦發生腸塞， 實在中西藥都難以使用影響病情。
無論如何病人若然有什麼疑問記得先請教自己的主診醫生
Comments