好多人癌症求診都好擔心, 同時間又用化療和中藥會有衝突, 亦即係話我哋俗稱兩隻會唔會 “撞” ? 近來有一病人因為膽管癌手術後化療, 化療前也用了一些中藥去調理身體健脾益胃. 作了一次化療之後出現白血球低的併發症, 身體卻沒有什麼症狀. 病人擔心是不是中藥令到白血球低呢? 我幾乎可以肯定的回答, 白血球低和中藥沒有關係. 反而是化療的劑量需要稍為減低或者利用白血球針提升白血球.
為什麼會可以這樣肯定呢? 這是因為對中藥和西藥藥性的認知.
首先一般健脾益胃的中藥例如是參苓白朮散等等, 對免疫力而有提升的作用. 不會令到白血球降低. 反而在打化療針後大概一星期左右白血球會開始降低 (每種化療藥物白血球降低的時間和日數都有唔同). 每隻化療藥物對於白血球降低的幅度也有不同. 一般化療藥雖然是按身高和體重去斷定藥物的劑量, 但有部分病人因為身體的脂肪和肌肉量較少, 所以有時即使按身高和體重去計算劑量, 實際之後也會超標出現白血球過低的問題. 但這個問題容易解決只要調教劑量和利用幾針白血球針便可以了.又或者增強中藥補氣血的方法也有一點幫助.
但假如在利用化療的時候也用一些藥性很強的中藥例如是紅豆衫, 又或者有毒性的中藥例如是蟾酥,蟾皮. 的確會有機會令白血球降低. 因為這些中藥和化療一樣也有細胞毒性.
所以關鍵的是利用化療的時候 , 使用中藥需要懂得配合, 兩者便會相得益彰. 任何未經認識便提出需要停中藥或西藥, 未免有點 “一竹篙打一船人”的感覺.
化療藥物常用的都有幾十種, 每種的藥性都有不同. 再加上而家越嚟越多的標靶藥, 和免疫療法甚至是混合療法. 每一種的藥性和副作用都有不同. 以往一些舊的中醫書本說, 化療都是寒涼的藥物. 其實並不是如此. 例如乳癌病人常用的”紅針”, 亦即化療藥物anthracycline 類別, 在中醫睇呢算是一種熱性的化療藥. 病人打針後會有口腔潰瘍, 牙肉腫痛, 喉嚨痛, 甚至是小便赤痛的症狀. 喺中醫睇呢呢個時候要配合輕量養陰清熱的中藥舒緩副作用. 唔能夠單用溫陽補氣血.
反而另外的化療藥”白針”, 亦即係紫杉醇類藥物, 病人打針後會出現手臂麻木, 天氣冷的時候更加嚴重. 再會有輕量水腫, 和關節痺痛. 呢一些藥物在中醫睇呢屬於極度寒涼, 用中藥的配合需要加上溫陽通陽氣關節 的藥物. 這些都只是簡單例子其實每一種化療看中醫屬性嚟睇都有不同, 所以利用中藥嘅時候需要熟悉西藥的特性可以更好兩者配合.
在例如肺癌EGFR 基因突變所用的標靶藥afatinib 又或者腸癌病人所用的cetuximab, 都會出現口腔潰瘍面部出暗瘡樣的紅疹, 甚至會有 肚瀉的症狀. 喺中醫睇呢類藥物屬於濕熱重, 若然使用嘅時候用利濕熱的方法可以減低副作用. 在例如使用免疫療法後不少病人出現氣虛, 可以用補氣益氣的方法減低疲倦. 但是也有人用了免疫療法之後會出現全身紅疹, 反而有虛火, 呢個時候用中藥又要變陣.
所以中西藥互相配合需要兩者互相認識, 咁樣中西藥兩者就可以更好地配合使用, 更好地幫助病人了.
Comments