承接上兩篇， 原本 我並不是主力治療情緒病。 只不過不少癌症病人 又或者他們家人都會來求診，順道治療。 不少癌症病人本身也有一些情緒問題，特別是乳癌和卵巢癌更為明顯。 其中以抑鬱焦慮等等最為常見。 除咗呢一類病人之外 間中也有其他較為年青的病人來求診， 大多是二十多歲至三十多歲的病人， 不少因為工作壓力或其他生活問題引起抑鬱和焦慮等希望服用中藥調理身體， 可以慢慢減去西藥。
但情緒問題，正如我之前所 要完全醫好實在唔容易， 其中主有兩個關鍵， 不可忽視。
第一時要長時間治療。
理由是從中醫角度， 身心疾病不可分離。 不同的情緒病和精神問題其實同五臟六腑嘅氣血盛衰很大關係， 呢一方面西方嘅精神病學， 較為少著重。 例如我哋知道假如情緒緊張嘅話，可能會有胃脹氣，甚至胃痛，腹瀉等腸胃問題。 呢個而家係每個香港人都知道嘅所謂腸易激綜合症。 是一種由精神緊張引起實際症狀嘅疾病， 英文叫做身心症 (psychosomatic disease) 。
但反過嚟較為少人知道嘅係， 假如腸胃唔好， 會引起精神緊張或者情緒暴躁。 係中醫嚟講例如長期便秘嘅人， 可能是大腸積熱， 呢一種人 情緒較為急躁而且唔耐煩， 心情忐忑不安。 呢一種病人反而利用中藥清熱通便清大腸嘅熱， 心情症狀可以快速得以緩解。 呢個就係點解以往 東漢年代嘅傷寒論有講， 發燒便秘嘅人可能會神智不清。 呢一種疾病叫陽明腑實証。 所謂陽明亦即係手陽明大腸經( 學術名詞)。 當然 古代所講的是非常Extreme case. 現代所見的腸胃積熱引起情緒問題， 程度輕很多。 但卻很多人忽視了這一種的疾病。
其實小兒而當中也有類似嘅問題。 不少小朋友長期食熱氣嘢 ，所謂腸胃有積滯( 西醫係冇呢個病的)。 腸胃有積滯會生熱氣。 腸胃熱所謂上小 擾心神， 呢一類嘅小朋友會集中力下降， 經常發脾氣， 同埋瞓覺躁動不安。 中醫治療要用 消食滯， 清腸胃熱去幫助。 並且搵出食滯嘅來源。 近代醫學呢十年開始著重腸胃如何影響情緒， 但大多只係從 腸胃益菌方面去了解， 但總算證實了中醫一路以來的觀察和理論。
以上所講嘅係一啲好簡單嘅情緒問題。 但臨床所見不少病人都是較為複雜的， 例如是抑鬱 ，驚恐症， 狂躁症等等。 咩類疾病假如時間一來， 很多時並不是單是一個臟腑的問題。 前兩天我已經講過有一個五臟六腑嘅圖， 其實五臟六腑密切相關， 時間一久，長期疾病所謂牽一髮動全身。 當五臟六腑都各有問題，治療起來變咗分階段而，且用藥也棘手。
例如有一個二十多歲的抑鬱和驚恐症患者來求診。 病情已經持續三四年。 我當時的診斷是， 腸胃首先虛弱， 本身 身體的 抵受情緒打擊耐力不足， 即所謂身體的本錢不夠。 後來因為一些事情長期悲傷， 所謂悲傷傷肺， 本身身體也瘦弱肺氣不足。 肺氣 的支撐需要腸胃嘅氣嚟補救。 那麼脾胃氣虛就更加嚴重。 連胃口也差了， 而且又係有不少腸胃症狀。 腸胃一弱， 身體要支撐各樣的生話壓力便要使用肝氣。 肝氣不正常地強( 其實只是強弩之末)， 便會出現經常心情不安，發脾氣，兩側頭痛， 而且面部帶有清晰。 脾胃弱了 消化吸收減弱， 所謂水穀精微不足， 心血也有虛損 ，出現了失眠和經常心悸嘅症狀。 聽到呢度相信大家已經一頭霧水。
所以這裏情緒病經常是五臟六腑錯綜複雜， 互相影響， 要抽絲剝繭， 搵出五臟六腑各有嘅問題， 而且要分階段逐一治療。 今次是 補心血淨係先益肺氣呢， 又或者下一次是健脾胃呢？ 例如以上嘅病人㗎如果只是用常用嘅疏肝法， 那麼幾乎肯定是治不好的。
假如有一些病人情緒問題是因為本身癌症所引起， 那麼治療起上嚟就更加複雜。
所以不少長期情緒問題嘅病人， 很多不能堅持長期治療， 而且通常試了一兩次覺得效用不好 又找其他方法治療不斷跳嚟跳去， 終歸難以把五臟六腑完全調教好。 呢個就係點解我話情緒病唔容易治療嘅原因之一。
第二個關鍵係要找出究竟情緒病有否引發嘅原因。
正如上述所講中醫 認為 心幾乎不可分離。 例如同一件事發生了， 譬如說有災難發生， 但當中有十個人一同經歷， 並不是每個人都會產生 創傷後症候群。 原因為何呢？ 原來每一個人都有所為身體嘅本錢， 亦即係五臟六腑氣血強弱， 呢方面特別係心血和腎氣嘅強弱有好大關係。 身體強的人受了一些情緒打擊， 很快便 復原， 因為自己的身體和心理會找出一個疏解嘅方法。 但假如自己本身嘅心血和腎氣不足， 腦部 便不能找出處理疏解嘅正常方法引起長期疾病。( 中醫所謂腎氣開於腦)。 所謂腎氣不足的人會經常驚恐， 而長期的驚恐也會損傷腎氣。
一件事情所產生的情緒打擊， 就等於從你的銀行戶口拿出十萬蚊。 假如銀行戶口本身有幾千萬， 即代表身體好的人， 十萬蚊可唯微不足道。 肉赤幾天便唔記得了。 但假如戶口只是有二十萬的人， 攞走十萬蚊 就等於冇咗一半身家， 導致惶恐終日。 身體的情緒和五臟六腑也是同一道理。
對於長期已經有 情緒問題的人， 本身身體的心血和腎氣已經很弱。 假如引起情緒問題嘅事情 還沒有解決，還是每天見得到， 那麼身體調不斷創傷。 單單靠中藥， 就好似倒水落去一個會漏水嘅桶一樣。
所以呢一類嘅病人 需要一些心理輔導找出引，起情緒病嘅核心問題。 有一些可能是家庭問題生活嘅壓力， 又或者愛情問題等等。 呢一些問題如果得唔到緩解 ，情緒問題很難治療好。
咁呢方面中醫有咩方法呢？ 所以其實上古代嘅中醫有所謂祝由科。祝由， 呢個方法經已失傳。祝由， 亦即係利用一些 醫師嘅意念符咒 和巫術的方法進行心理輔導。 聽到呢度大家可能覺得不可思議。 其實簡單嚟講即係利用宗教嘅方法。
長久以來中國人都有傳統有事便會去廟宇， 車公廟天后廟等等， 又或者會有拜神嘅方法。 唔同嘅文明也有不同的宗教拜神 和祈禱方法。 其實祈禱嘅時候 身心嘅憂慮交給一些 身體以外不能控制嘅力量去幫助自己去處理。 就等於把難題交給其他力量去處理。
所謂腎藏志。 凡事祈禱以後( 無論所信的是什麼)， 壓力得意 舒緩， 心情緩解便會產生一個志向， 生活有了方向目標。 恐懼減少反過嚟會補充腎氣。 腎氣是人生嘅根本又或者身體的一個Core capital. 身體反而強壯了。
呢個站點解有宗教信仰嘅人，往往情緒嘅韌力，會比其他人強。
所以假如引起情緒問題 的事件， 唔能夠從生活上解決。 宗教力量反而是治療情緒病疾病的一大支柱。
Comments